Walk on ..

2006-11-05T16:38:00.000Z

jæja gott fólk, ég er flutt á http://lenayr.bloggar.is .
sjáumst þar :)

2006-11-02T23:49:00.000Z

Alveg brilljan skilaður ! Hún er frábær hún Edda.. ég grét úr hlátri og svo grét ég líka með henni. Björg frænka hringdi í mig í gær og var með auka miða á leikritið og bauð mér hann. Langt síðan ég hef farið í leikhús, og ég verð að minna mig á að vera duglegri að stunda leikhúsin. Þetta er svo skemmtilegt! Svo eigum við meira segja frímiða í þjóðleikhúsið svo þetta er allt að gerast.

Stefni á mikið kökuát á laugardaginn þegar við förum í skírn.

Held að tönnslurnar fari alveg að láta sjá sig hjá Friðgeiri Erni. Hann á það til að stökkva á hökuna á mér og naga og sjúga. Fyrir utan það hvað hann er orðinn rauður og bólginn, úff hvað þetta hlýtur að vera sárt.

Hlakka bara til jólanna.

IKEA er bara stórt!

Áfram með hvalveiðarnar !

Ef að úrkoman sem er að falla akkúrat þessa klukkutímana væri snjór, þá væri orðið ófært í bænum og sumir í djúpum skít. Það er dúndrandi rigning og búið að vera í allt kvöld! En hvað um það ..

Ég verð að hrósa henni Maríu "naríu" (einkahúmor) fyrir þvílíkan dugnaðarskap. Jesús ég skammast mín næstum því. Hún er svo ofurdugleg að hreyfa sig í sundi, hlaupum og boot camp. Þvílíkur orkubolti að það hálfa væri nóg! :D go girl!!

Ég verð að fara og sjá mýrina!

jahérna hér, hérna er ég búin að tala um allt og ekkert.. læt hér staðar numið!

2006-10-01T13:13:00.000+01:00

http://bebbaoghjolli.blogspot.com/ mér var sagt frá þessari síðu fyrr á þessu ári. Áður en Friðgeir Örn kom í heiminn, ég las hana nokkrum sinnum og fannst hún vera afar sorgleg, en styrkurinn sem parið sýndi var ótrúlegur. Svo fór ég í fæðingarorlof og er heppnasta kona í öllum geiminum. Að hafa átt heilbrigt barn !
Svo datt ég inná síðuna aftur í dag. Og ég grét og grét og grét og grét. Þið verðið að lesa þetta til að skilja það. Þeas ef þið hafið ekki gert það enn.
Alla vega Friðgeir Örn er sofandi útí vagni og ég get ekki beðið eftir því að fá hann inn til að knúsa hann. Ég held að ég hætti að væla yfir smáhlutum eins og kárahnjúkavirkun, að Liverpool hafi tapað í gær og fleira í þeim dúr. Því þetta eru bara smámunir miða við þeirra reynslu. Ég held að það sé ekkert erfiðara í öllum geiminum en að missa barn !
Ég vil votta þeim alla mína samúð. En hrósa þeim fyrir styrk sinn og að leyfa öllum landsmönnum að fylgjast með þeim.

Fariði nú og kyssið manninn ykkar og börn og gerið það oft.

2006-09-30T21:54:00.000+01:00

http://www.myweb.is/virkjum/virkjum.php?kennitala=2103835229&submit=Sta%F0festa

2006-09-29T23:07:00.000+01:00

allt skal talið. já einmitt, ég er með þráhyggju. ég tel allt, þá meina ég allt. tröppur, ljósastaura, stikurnar í vegkantinum, línur í loftum (ef ég ligg út af), hæðir á blokkum og ég veit ekki hvað og hvað. ég man ekki eftir mér öðruvísi en að telja hluti.. normal? æi hvað er það svo sem. alla vega þá var ég að horfa á fréttir áðan og þar var viðtal við Geir H.Haarde og það héngju herðatré fyrir aftan hann og ég taldi þau auðvitað. hann var að babbla um hleranirnar og ég taldi hvít herðatré fyrir aftan hann. og já talandi um fréttir, ég skil ekki hvað fólk er að reyna að hindra rennslið í hálsalón og að Ómar Ragnarsson sé að segja að hægt sé að kaupa upp kárahnjúkastíflu. ég verð að segja að mér fannst svo skrítið að allt í einu kom hann fram í dagsljósið með sína skoðun á kárahnjúkamálinu. en hann var ekki búinn að gera neitt annað en að flytja fréttir þaðan, fljúgandi fram og til baka yfir svæðið. og ekki kom boffs frá honum þá. en jújú fólk hefur sínar skoðanir og allt það. en þessir 12000 sem voru í göngunni í gærkvöldi eru sjálfsagt allir frá höfuðborgarsvæðinu og eru ekki að fatta það hversu mikilvægt þetta er fyrir austurlandið. einhvern vegin verður fólkið að vinna fyrir sér.
en já ég sem sagt byrjaði þessa umræðu um að ég tel allt, og ætlaði alls ekkert að fara að tala um kárahnjúka. sem að ég hef ekki enn farið og skoðað, geri það næsta sumar.

og já það er greinilegt að ég er ekki hætt að blogga. ég held að það verði bara lengra á milli (eins og það sé ekki búið að vera langt á milli í sumar)..

myrkrunin í reykjavík var ekki vel heppnuð, þeas það var ekkert myrkur. ég horfði á fjölda fólks fara uppá úlfarsfellið sem leit út eins og geimskip. hlustaði líka á fólk sprengja flugelda og nágrannan spila sinfoníu :)

2006-09-09T15:41:00.000+01:00

ég er greinilega ekki hæf í að halda úti tveimur heimasíðum, svo ég ætla að fara í frí frá þessari. óákveðið með tímann, það skoðar hana hvort eð er enginn ?!?!

2006-08-26T13:30:00.000+01:00

ég er 23 ára gömul . . .

eða 1222 vikna gömul
eða 280 mánða gömul
eða 8558 daga gömul
eða 205392 klst gömul
eða 12323548 mín gömul
eða 739412964 sek gömul

og næsta afmæli þitt er eftir :
207 daga 12 klst. 31 mín og 55 sek

(skrifað kl 12:30 26.ágúst)

ég er orðin algjört átvagl, ét meira en bróðir minn og þá er nú mikið sagt. tveir hammarar með öllu og stór frönsku kartöflu skammtur með. sonur minn er greinilega að borða mikiiið. og þar af leiðandi ét ég náttúrulega eins og skessa. úúú je Liverpool var að jafn við hammranna og enginn annars en frændi okkar Agger :)
trallallaa, vindurinn blæs á vopnafirði og prinsinn sefur, allir að vinna og ég er fylgjast með liverpool á netinu. fótboltaleikur uppá velli á eftir, ætla að horfa.
Tjá !

____________________________________________________

ái ái ái ái ái ái ái ái !! slæmar minningar rifjuðust upp í dag, þegar ég ökklabrotnaði á laugum. málið er að þegar ég var að horfa á fótboltaleikinn þá var einn þórsarinn tæklaður og hann fótbrotnaði. svona ca 10 m frá mér. oj ! þetta var náttúrulega bara ógeðslegt að sjá. og greyjið strákurinn var sendur með flugi norður væntanlega. enn og aftur ái !!

2006-08-19T16:26:00.000+01:00

Hrikalega er maður orðin latur við að blogga eftir að ég varð mamma. Hef engan áhuga á að rita eitthvað bull hérna niður þegar að ég get eytt tímanum með Friðgeiri Erni og séð framfarirnar hjá honum á hverjum degi. Væmið ?? Nei foreldrahlutverkið :)
Hann er búinn að hlægja í fyrsta skiptið og velta sér á hliðina. Það er sjálfsagt ekki langt í að hann fari að skella sér á magann af bakinu. Svo stækkar hann og stækkar eins og alvöru karlmaður. Mætti halda að hann fengi nautasteik á hverju kvöldi.

Annars sleikjum við sólina hérna á vopnó og ætlum sko ekki í bæinn fyrr en í september. Þá get ég farið að undirbúa jólin. Ójá jólin, þarf að gera jólatrésdúk og ætla að reyna að gera einhver jólakort. Um að gera að vera snemma í þessu. Dunda sér við að vera mamma í fæðingarorlofi :)
Styttist óðum í krílið hjá Danna og Önnu, held að það sé að koma lítil prinsessa. Skrítið hvernig þessi tilfinning kemur og maður er alveg 150% viss um kynið. Svo kemur hitt.. bara fyndið. En alla vega ég hlakka svo til að sjá barnið hvort kynið sem það verður.

Ungbarnaeftirlit og sprauta á miðvikudaginn !! Hvað ætli litli kallinn minn sé orðinn þungur.. örugglega um 7kg.
Jæja ætli ég fari ekki að knúsa hann og kjamsa í klessu, hann vex svo hratt að ég er að njóta allra augnablikanna með honum.

Mömmukveðja frá sólinni á vopnó :)
(skrifiði svo í comment svo ég viti hverjir eru að þvælast hérna inni, þó svo allir séu sjálfsagt búnir að gefast upp á þessari vitleysu í mér)

2006-07-20T19:58:00.000+01:00

prinsinn minn fékk loksins nafn á sunnudaginn. Friðgeir Örn ! Friðgeir í höfuðið á langafa hans og Assi frændi fékk nafna. reyndar er svoldið skrítið að kalla hann allt í einu Friðgeir í staðin fyrir lilli, prins, gúbbi, klemmi eða e-ð af hinum gælunöfnunum sem voru komin á hann.
sumarið er komið með allri sinni sól og hita :D alveg að flippa ég er svo ánægð !! lág á svölunum og sleikti alla sólina sem skein. Anna bumbukrúsí kom með íspinna handa mér og sleiktum við hann með sólinni. ég mæli með því að Anna verði ólétt öll sumur þar sem að það er Aaaalltaaaf gott veður þegar hún er bumbukrúsí.
frí á næsta leiti , aaaahhhh það verður gott. reyndar sé ég að sólin ætlar að staldra við í henni blessuðu reykjavík og fer þarf af leiðandi frá norðausturhorninu. oo jæja það þýðir ekki að gráta sólina, ég væri orðin löngu þunglynd ef ég léti veðrið hafa áhrif á mig.
var að háma í mig tveimur hömmurum (ég er orðin mikiið átvagl eftir að Friðgeir fæddist, og sérstaklega þegar hann er á brjósti).
bleyjuskipti kalla, síja !

2006-07-01T18:57:00.000+01:00

england á leiðinni heim .. grenj !!! portugalir hundleiðinlegir og brassarnir og frakkarnir líka. Þá er bara að styðja þjóðverjana til sigurs !
Lampart að drulla í brækurnar alla leikinna, Beckham slakur, Crouch góður í 8 liða úrslitunum. En vítin hjá enskum voru hræðileg !!! Ronaldo hrokafullur ansk....
Ooh ég ætla að svekkja mig á þessu aðeins lengur. Annars er bara að bíða eftir næsta leik, bíð líka eftir sólinni hérna til reykjavíkur. Vill reyndar meina að hún komi þegar HM er búið :) svona til að leyfa mér að njóta hennar. æi þetta er bara röfl ..

Áfram þýskarar !!!!

2006-06-28T02:14:00.000+01:00

Vinur í grennd

Í grenndinni veit ég um vin, sem ég á,

í víðáttu stórborgarinnar.

En dagarnir æða mér óðfluga frá

og árin án vitundar minnar

Og yfir til vinarins aldrei ég fer

enda í kappi við tímann.

Sjálfsagt þó veit hann ég vinur hans er,

því viðtöl við áttum í símann.

En yngri vorum við vinirnir þá,

af vinnunni þreyttir nú erum.

Hégómans takmarki hugðumst við ná

og hóflausan lífróður rérum.

"Ég hringi á morgun", ég hugsaði þá,

"svo hug minn fái hann skilið",

en morgundagurinn endaði á

að ennþá jókst milli okkar bilið.

Dapurleg skilaboð dag einn ég fékk,

að dáinn sé vinurinn kæri.

Ég óskaði þess, er að gröf hans ég gekk,

að í grenndinni ennþá hann væri.

Sjálfur, ef vin þú átt góðan í grennd

gleymdu ekki, hvað sem á dynur,

að albesta sending af himnunum send

er sannur og einlægur vinur.

2006-06-17T15:03:00.000+01:00

hæhó jibbíjei jibbíjei það er kominn 17.júní !! og það er þungbúið í reykjavík í dag. við skelltum okkur niðrí bæ klukkan 10 í morgunn og brunuðum á austurvöll. þar var Elsa fjallkonan og hún stóð sig svo vel - ótrúlega flott hjá henni :o)
svo var labbað og leitað að blöðru handa Eldari þar sem hann pantaði gröfublöðru.. held að ég hafi aldrei séð svoleiðis blöðru. en hann endaði með að fá risaeðlublöðru og var sko frekar sáttur með hana. skelltum svo í okkur djúsí bbq hammara frá thorvaldsen sem var alveg geggjaður.
erum svo komin heim eftir góðan göngutúr í bænum og erum að horfa á HM.. :)
ég hef aldrei nokkurntíman verið komin svona snemma niðrí bæ á 17.júní.. reyndar hef ég bara verið þrisvar í reykjavík á 17.júní. en það var bara fínt að vera svona snemma á fótum. þurftum að vekja lilla til að gefa honum að drekka áður en við lögðum í hann, svo svaf hann á sínu græna eyra í þrjá tíma :o)

2006-06-16T18:12:00.000+01:00

Þessi er alveg crazy !!

2006-06-11T23:34:00.000+01:00

Flottir á tindinum :) Og ekki var veðrið neitt slor. Stefni á að fara einhvern tíman þangað upp.. kannski næ ég að draga Gunna með mér.

HM á fullu og það rignir og rignir í bænum á meðan að vopnfirðingar sleikja sólina. Njótið hennar á meðan hún er fyrir austan, því hún er víst á leiðinni suður ;) eða það segi ég !

2006-06-08T00:44:00.000+01:00

LOKSINS komumst við út að labba !!! Við fórum í gær og keyptum vagninn og þvílíkur lúxus að komast loksins út og hreyfa sig. Ég hef eiginlega ekkert hreyft mig frá fæðingu, nema eitthvað heima og fara í búð. Reyndar lögðu bæði ljósan og hjúkkan miklar áherslu á hvíld og að fara ekki of hratt af stað. En ég er sem sagt búin að hvíla mig nóg og nú verða allir göngustígarnir í grafarholtinu stikaðir. Enda svaf litli stubburinn minn eins og prins í gönguferðinni. Mikil rigning og allt svo ferskt og gott loft - gróðurlykt og graslykt. Ég var eiginlega ekki að týma að fara inn.
Svo er litli stubburinn 3ja vikna í dag. Og hann vildi endilega vera vakandi þegar að klukkan sló 06:57 í morgunn. Hann tók nefnilega upp á því að vera vakandi frá 05 - 07:30, og mamma hans var ekkert mjöög hress. Ég er nefnilega engin morgunmanneskja. En það er svo bjart úti þannig að þetta reddast alveg, ég neyðist til þess að vakna í þessari birtu.

Núna er ég hins vegar orðin svoldið þreytt og ætla að skríða í rúmið, enda gönguferð á dagskránni á morgunn :)

2006-05-29T21:05:00.000+01:00

jibbí Gunni keypti dökkbrúnt 66°N dúnvesti handa mér :) ógeðslega flott og ég get varla beðið eftir því að komast í það og út að labba með vagninn :)
svo þarf ég að ná í vagninn til Lenu frænku sem á að fara á svalirnar. svo á að fara að koma gott veður svo ég geti farið út að labba.

annars segir prinsinn minn allt gott og er byrjaður að hafa aðeins meiri rútínu á svefninum. Sofnar um 23 og sefur til ca 4:30 fær þá sopann sinn og sofnar aftur. gæti ekki verið ljúfara þar sem ég er mikill svefngrís.

læt þetta duga að sinni, er í einhverju átkasti og ætla að skella í mig kókosbollu :)

2006-05-27T22:02:00.000+01:00

Til hamingju með prinsessuna Júlla og Tobbi
Til hamingju með prinsinn Helga Ösp og Jörgen
Til hamingju með prinsessuna María og Stefán

Fullt af börnum komin hjá Vopnfirðingum og bara gaman af því. Ekki veitir af því að fjölgja þeim svoldið :)

Litli prinsinn fór í sína fyrstu veislu í dag. Þreföld veisla hjá frændsystkynum mínum og svaf hann veisluna af sér. Allir að bíða eftir að sjá hann vakandi en hann hélt nú ekki :)

Jæja prinsinn þarf að fá sopann sinn :) kveð að sinni

2006-05-22T16:44:00.000+01:00

ó hvað lífið er ljúft. minn er nú aðeins byrjaður að vaka meira en allra fyrstu daganna, og svo var fyrsta baðið áðan. minn var nú ekki parhrifinn af þessum látum og lét vel heyra í sér :) annars sefur hann mikið og borðar enn meira. hann er greinilega að flýta sér að stækka - má ekkert vera að þessu. en lífið er sem sagt mjög rólegt og ljúft þessa daganna.. dunda mér við að horfa á hann og gæti ég gert það allan daginn :) svo er skoðun hjá barnalækni á morgunn og verður spennandi að sjá hversu þungur hann er. ljósan heldur að hann sé ekki búinn að missa svo mikið, ef eitthvað. hann er svo duglegur að drekka :)

til hamingju með litlu dömuna Júlla og Tobbi :) kom á settum degi :)

annars er ég með sáran háls. hundfúlt ! því alltaf þegar ég fæ í hálsinn fæ ég líka í eyrun og þar af leiðandi er ég pínu stressuð að litli kútur fái eitthvað frá mér. vonum bara það besta ! ég ætti kannski að leggja mig með honum og reyna að losa þetta úr mér..

2006-05-18T21:17:00.000+01:00

litla ljósið okkar kom í heiminn 17.maí klukkan 06:57 eftir að ég hafði haft verki í tvo sólahringa. tók sem sagt langan tíma en hann kom að lokum og okkur heilsast rosalega vel. takk allir fyrir kveðjurnar :)

2006-05-14T18:41:00.000+01:00

ó já þessar tvær vinkonur komu í heimsókn til mín á laugardaginn. var ekki alveg í stuði til að leika við þær þar sem að ég var á fullu að horfa á úrslitin í FA bikarnum. en auðvitað neyddist ég til að veiða þær og setja þær undir glas þar sem þær æuðu og óuðu þar til þær skitu allt út og dóu. mér til mikillar óánægju þá skoruðu west ham menn bæði mörkin sín akkúrat þegar ég var á veiðum. hins vegar er maður að nafni Steven Gerrard í Liverpool sem á eftir að vinna HM fyrir england í sumar.. en það er annað mál. við sem sagt erum bikarmeistarar í ár og þá er bara deildin á næsta ári :)

ég held að krílið hafi það svo æðislega gott að það nennir ekki að koma út. það er alla vega lítið að gerast og bíð ég bara eftir komu barnsins.

Gunni er að skella kjöti á grillið og matargestirnir rétt ókomnir.. kannski þetta sé síðasta bloggið fyrir fæðingu. hver veit ?

2006-05-09T20:49:00.000+01:00

-mannætan sakfelld í þýskalandi
-endalaust geta þeir talað um baugsmálið
-ég er svolítið undrandi á enska landsliðinu í fótbolta
-ég elska góða veðrið úti og það má halda áfram - orðin brún í kinnunum
-ég elska líka grillmat
-keyptum barnabílstólinn í dag
-hverjir verða heimsmeistarar í fótbolta?
-mávarnir eru óþolandi á tjörninni niðrí bæ
-það er líka ógeðsleg skítalykt hjá tjörninni
-stútfullur austurvöllur í dag í sólinni
-það er allt tilbúið fyrir litla ungann
-spurning hvort skoðunin á morgun verði síðasta skoðun fyrir fæðingu
-hvað á að kjósa 26.maí ?
-er svo lítið fyrir pólitík, en maður verður að kjósa
-hvað voru konurnar búnar að berjast fyrir okkur hér áður fyrr
-æi verð að fara að kynna mér þetta
-Gunni fór í golf klukkan 6 í morgun
-þeir hittast nokkrir og gera þetta, ekki slæmt þá hef ég hann fyrir mig eftir vinnu
-samt alveg kreisí !
-vona að Terry vinni survivor, þoli ekki Aras !
-haldiði að krónan verði lengi í viðbót á íslandi?
-elska Hrossagauk, söngurinn og að sjá hvernig hann flýgur
-hann er eins og þyrla í orustuleik :)
-eiga nokkurn tíman eftir að koma göng í hellisheiði eystri?
-ætla að horfa á handboltann

2006-05-07T13:50:00.000+01:00

svona á sumarið að vera, sól og hiti :) get reyndar ekki setið lengi úti í einu þar sem að mér verður mjöööög heitt með bumbuna útí loftið. úða bara í mig vatni og skrepp inná milli.
annars er ekkert að gerast, enda eru fimm dagar í settan dag svo ég slappa bara af. sóla mig og fer í sund :)

kveðja úr sólinni (sem er reyndar á öllu landinu núna) til hamingju með það íslendingar :)

2006-05-02T23:21:00.000+01:00

-38vikur og 4 dagar

-algjört krútt :)

-orðið 3350 gr

2006-05-01T17:03:00.000+01:00

Fórum í leikhús að sjá Viðtalið. Það var mjög gott og ekki má gleyma Elsu. Hún stóð sig eins og hollywood stjarna :) Held ég að allir hefðu gott af því að sjá svona leikrit. Fær mann til að hugsa um hvernig það sé að vera heyrnalaus, mikill misskilningur sem getur átt sér stað held ég.

Svo fórum við í afmælisveislu og fermingarveislu í gær og át ég yfir mig. En það er samt alltaf jafn gott :) svo skrapp hann faðir minn aðeins til reykjavíkur í gær, kom hingað um 23 og fór 12 tímum síðar. Að ná í varahlut ! Það hefðu ekki margir nennt því að keyra til reykjavíkur til þess að ná í einn varahlut og keyra svo til baka daginn eftir.

Fáum að sjá ungann okkar á morgunn :) er að fara í sónar og ég hlakka svo til að sjá hvort það sé búið að breytast mikið :) svo fer nú að styttast í komuna.. 11 dagar í settan dag !!!! jibbí :)
Grillaður kjúklingur í matinn og ég er að háma í mig pistasíuhnetur :)

2006-04-25T19:24:00.000+01:00

orðin 101 cm í ummál !

vissuði að ísbirnir eru með bein í tippinu ! það er vegna þess að þeir þurfa að hamast jafnvel í tvær vikur áður en þetta tekst. þetta sá ég á discovery og þar sá ég líka þegar að beinið brotnaði vegna álags. þá finnst mér viagra gáfulegra.
ansi er nú leiðinlegt að elda fyrir einn! eiginlega ekki að nenna því, hefði svo sem getað fara til tengdó en ég nenni bara ekki að hreyfa mig. vissuði að maður á aldrei að skera iceberg - alltaf að rífa það. þá verður það ekki brúnt og ljótt!

alltaf finnst mér jafn merkilegt að finna fyrir litlum fæti stingast út úr kúlunni. og þar sem að barnið gerir ekkert annað en að stækka núna þá er ég orðin pínu andstutt og fæ oftar brjóstsviða. en ekkert sem er alvarlegt :) í dag eru 17 dagar í 12.maí - sem þýðir að það eru í mesta lagi 26 dagar þangað til að unginn lætur sjá sig :) verð að fara að klára innkaupin ef því dettur í hug að láta sjá sig fyrr en 12.maí.
ótrúlega var skrítin tilfinning að vinna síðustu vaktina á sunnudaginn. skrítin en góð ! ég var orðin svo þreytt í vinnunni á öllu þessu labbi að það er mjög ljúft að fá að hvíla sig eins og mér hentar. fór meira segja með perutertu, salat, osta og nammi til að kveðja þær.

2006-04-23T00:12:00.000+01:00

Ég þoli ekki hrokann í þessum chelsea stjóra.. segir að betra liðið hafi ekki unnið í dag. Hann er nottla ekki í lagi.. við miklu betri allan fyrri hálfleikinn. Þeir áttu bara síðasta hálftímann ! Mér er sama um hina leikinna gegn þeim , þeir skiptu engu máli í dag. Og hvort liðið sé að vinna deildina.. þetta er allt önnur keppni og kemur engu öðru við !

Síðasta vaktin á morgun :D alveg verður það ógeðslega nice! Skellti á eina perutertu og í eitt túnfisksalat sem ég ætla með ásamt fleiru góðgæti til að kveðja þær í vinnunni á morgunn. Það verður fínt að getað slappað vel af og hvílt sig. Ég er nefnilega orðin hálf óvinnufær í vinnunni, þarf hjálp með flest þar sem þetta er býsna veikt fólk allt saman.
En nóg um það..

Fór með mömmu og keypti borða í litlu fötin sem hún prjónaði handa unganum okkar. Ætla svo að drífa í að þvo þau og setja borðann í. Skella mér í sund á morgunn.. það er það besta sem ég geri :)

2006-04-20T20:25:00.000+01:00

Jæja þá á ég að fara að slaka aðeins á. Er byrjuð að hækka í blóðþrýstingi, eða reyndar bara neðri mörkin. Þau mörk sem mega ekki hækka. Hef alltaf verið með lágann eða 95/65 en allt í einu orðin 110/80. Hún sagði að þegar ég væri hætt að vinna ætti ég ekki að fara að gera eitthvað annað til að fylla uppí daginn. Ætti að hafa það rólegt og hvílast vel, enda ekki gott að hafa háann tensio. Sem betur fer styttist heldur betur í þetta. Bara þrjár vikur í settan dag, gæti svo sem farið upp í fimm vikur. En vonum það nú ekki.
Ljósan sagði að barnið yrði um 12- 13 merkur, sem eru um 3kg. Mér finnst það alveg passlegt :) Eins og mamma segir: "kemur lítil nett prinsessa" :)

Gleðilegt sumar á meðan ég man :) vorblíða í dag og mamma og pabbi í smá heimsókn. Jæja, ætla að skella mér í sófann komin með höfuðverk.

2006-04-16T00:06:00.000+01:00

Búin að mála, setja upp myndir, klára ljósin, fá nýtt parket og setja upp gardínur. Held að við höfum sjaldan verið eins aktív - ætli það sé ekki útaf unganum okkar. Áhrifin eru sterk að vilja klára allt hérna :)
Eigum reyndar eftir að klára að kaupa eitt og annað, eins og bílstólinn og annað smádót. Mamma var heldur betur aktív á meðan hún var hérna og í Köben !
Annars er allt rólegt í kotinu, ég er komin í 50 % vinnu samkvæmt læknisráði. Hún vill alls ekki að ég sé þreytt þegar að fæðinginnu kemur og lét mig hætta viku fyrr en ég ætlaði. Síðasta vaktin verður sem sagt 23.apríl. Ég er svo sem óskup fegin því þar sem ég er ótrúlega þreytt í vinnunni og get ekki klárað allt sem ég ætti að gera. Svo eru hinar bumbulínurnar líka orðnar ansi þreyttar.
Páskarnir eru alltaf jafn ljúfir.. frí og át. Held meira segja að það sé betra frí á páskum en jólum. Minni læti í fólki, engin verslun og bara njóta þess að borða eggið og sofa.

Gleðilega páska !

2006-04-03T23:28:00.000+01:00

Hljóp einhver 1.apríl ?? Það var kannski ekki hlaup hjá mér, meira strætó og meiri strætó.
Málið er að ég hringdi í vinnuna á fimmtudeginum því ég var ekki viss hvernig ég ætti að vinna yfir helgina. Minnti kvöldvakt á föst og lau. en það breyttist í morgunvakt lau og sun.
Ég mætti í vinnuna á laugardagsmorguninn og var þá tilkynnt að ég ætti að vera á kvöldvaktinni !! Ég var ekki að trúa þessu. Ég held að hún hafi ekki ætlað sér að plata mig hún Vigdís, en ef svo er þá er hún ekki í góðum málum !! Neee held varla, en þetta var sem sagt einstaklega skemmtilegt eða þannig. Og fór ég því heim aftur að sofa og svaf til hálf eitt. Allur laugardagurinn farinn í ekki neitt !!
Jæja við bættum um betur á sunnudeginum, skruppum í IKEA og keyptum kommóðu og fleira smádót. Fórum í fermingarveislu og máluðum svo. Jebbs, við skutumst aðeins inní Húsasmiðjuna og fundum líka þennan flotta kaffi brúnalit. Ógeðslega töff :) Eyddum svo því sem eftir var af sunnudeginum í að setja saman kommóðu og að mála. Ásamt því að ganga frá ísskápnum (sem var enn hálfpartinn á miðju gólfi eftir parketlögnina) og setja upp snaga. Kláruðum svo að mála í kvöld og kaupum ljósin á morgunn. Svo skreið ég uppí rúm um kvöldið og var orðið frekar mikið illt í mjóbakinu eftir þessi læti.

Orðið gott í bili ..

2006-03-28T21:20:00.000+01:00

Það er engu líkara en herðablöðin brenni, andadrátturinn verður styttri og styttri, ég ligg eins og afvelta rolla í rúminu og er orðin helaum í rifjunum. En hver kvartar um þetta þegar að ég veit hvað ég fæ í staðinn ?!?! Annars líður mér nokkuð vel, finn samt að hver vinnudagur verður erfiðari og erfiðari. Verst finnst mér samt verkurinn í grindinni þegar ég get hvorki gengið né snúið mér í rúminu. Þoli ekki að geta ekki gert það sem ég vill. En það eru nú bara rúmar 6 vikur eftir í settan dag svo ég er ekkert byrjuð að örvænta.

Við erum að klepra yfir ástandinu á heimilinu þessa daganna. Málið er að það kom galli upp í parketinu okkar svo við eyddum helginni í að rífa það af og svo komu smiðir og skelltu nýju á. Nema að þeir eiga eftir að setja gólflistana og það klárast ekki í kvöld og ekki komast þeir á morgunn. Svo stríðsástandið verður eitthvað áfram hjá okkur. Erum jafnvel að spá í að mála eitthvað, en við ætlum aðeins að skoða það betur. Vill vera búin að öllu svona veseni áður en barnið birtist.

Oo jæja , þetta var mjög upplífgandi blogg en lífið er samt alltaf dásamlegt (vitna í Kötu frænku). Verð að fara að leggjast útaf - barnið er búið að troða sér undir rifbeinin :)

2006-03-22T22:36:00.000Z

ég var að labba framhjá sólbaðstofunni Smart á grensás. á hurðinni stendur neyðarnúmer ... svo eru tvö símanúmar fyrir aftan. ég var bara að velta því fyrir mér hvað væri neyð hjá sólbaðstofu!! er það að komast ekki í ljós ?

takk allir fyrir kveðjurnar á ammælisdaginn minn :) fórum svo út að borða og fengum okkur humar á Hafinu Bláa, svakalega góður matur !
skreið svo uppí rúm þegar við komum heim enda var ég búin áðí.

barnalandssíðan hefur legið niðri.. hún kemst upp á morgunn :)
man ekkert meira !

2006-03-11T13:02:00.000Z

ég velti því fyrir mér í gær afhverju ég væri eiginlega byrjuð að vakna upp fyrir allar aldir ?? þar sem ég er á kvöldvakt, fer að sofa klukkan 01 og er vöknuð klukkan 08. þetta er sko ekki sú Lena Ýr sem ég þekki.. þá fór ég að velta því fyrir. hvort að birtan frá glugganum væri að vekja mig (þarf að fjárfesta í meiri gardínum) en ég held að það sé ekki málið. ef ég vitna í Körlu sem segir að konur séu: háþróaðar verur ....kjarnorkuknúnar..blóðmiklar..fullar af eggjum...ofurkonur !! mér datt nefnilega í hug að konur væri svo háþróaðar verur að þetta væri allt saman undirbúningur fyrir barnið. vakna oft á nóttunni og vakna snemma í þokkabót.. og ég sem hélt að það væri ekki til í mér. hef oft velt því fyrir mér hvernig mamma getur farið á fætur klukkan 08 þegar að hún er í fríi eða að fara á kvöldvakt -> móðureðlið !
jebb, við erum svo vel hannaðar að við þurfum ekki einu sinni að hafa fyrir því að læra þetta.. þetta er allt saman innbyggt í okkur. hvort að karlmenn eigi þetta til í sér...??? reyndar hefur Gunni verið að kvarta um svefnleysi.. jahérna hér, nei það getur varla verið að þeir séu jafn háþróaðir og við !!

ætla svo að stefna á að fara og sjá "viðtalið" í hafnafjarðarleikhúsinu sem Elsa er að leika í. hefur fengið flotta dómar og auk þess verðum við að sjá hana á sviðinu !
þegar ég var yngri þá velti ég því stundum fyrir mér hvort væri verra að missa sjónina eða heyrnina. ég komst að þeirri niðurstöðu þá að það væri verra að missa sjónina. hvort það sé rétt - eða hægt að segja hvort sé réttara ?? þá getur maður ekki séð börnin sín, manninn sinn eða fjölskyldu. annars er ég ánægð að hafa bæði sjón og heyrn og þurfa ekki að ímynda mér þetta.

2006-03-10T13:00:00.000Z

Svona geri ég það:

-kakómixið í botninn á glasinu svo mjólkin
-bleyta tannburstann, setja tannkrem og bleyta aftur
-fæ mér brauðbita og tygg vel, svo set ég vítamínið uppí mig og kyngi (þoli ekki að taka töflur)
-byrja á að þvo andlitið með skrúbbi í sturtu og enda á hárinu
-sultuna ofaná ostinn á brauðinu

Svona vill ég að það fari:

-barcelona vinni CL
-að parketið verði lagað sem fyrst
-að vaktin í kvöld verði róleg og engin týpískur föstudagur
-að sumarið verði gott, alla vega lítil rigning
-að bachelor þættirnir hætti
-að liverpool endi í 2 sæti í deildinni

Þetta þarf ég að gera:

-klára sokkinn á krílið mitt
-skoða bílstólana aðeins betur
-fá mér meira að borða
-taka úr þvottavélinni

2006-03-08T12:10:00.000Z

Jarðskjálfti á 7undu hæð er ekki spennandi. Viðbragðið er líka afbragðsgott, sáttum allar á rassinum og horfðum á hvora aðra á meðan spítalinn sveiflaðist. Pínu skerí !
Hugsa sér þá að lenda í jarðskjálfta sem er 7 á richter - jæks.

Skoðunin í morgunn gekk vel, spjallaði aðalega við ljósuna og svona. Hún sagði mér að þar sem ég er svona grönn og fylgjan fyrir aftan ætti að vera hægt að heyra hjartslátinn með að leggja eyrað á bumbuna. Verð að láta Gunna prufa það. Stefni líka að því að ná betri sparkmynd :)
Svo þyngist ég á hverri viku núna, sem er reyndar léttir þar sem ég var farin að hafa áhyggjur af þessu þyngdarleysi. En hún sagði að ég væri bara að þyngjast um barnið - sem sagt ekkert að bæta neinu á mig. Loksins get ég þá farið í gallabuxurnar mínar í enda maí :)

Jæja, ætla að lesa Potter og hvíla mig áður en ég fer á kvöldvaktina

2006-03-03T22:49:00.000Z

( ) reykt sígarettu
( ) klesst á bíl vinar/vinkonu
( ) stolið bíl (foreldranna)
(x) verið ástfangin/n
(x) verið sagt upp af kærasta/kærustu
( ) verið rekin/n
( ) lent í slagsmálum
(x) læðst út meðan þú bjóst ennþá heima hjá foreldrunum
( ) haft tilfinningar til einhvers sem endurgalt þær ekki
( ) verið handtekin/n
( ) farið á blint stefnumót
(x) logið að vini/vinkonu
(x) skrópað í skólanum
(x) horft á einhvern deyja
( ) farið til Canada
( ) farið til Mexico
(x) ferðast í flugvél
( ) kveikt í þér viljandi
( ) borðað sushi
( ) farið á sjóskíði
(x) farið á skíði
(x) hitt einhvern sem þú kynntist á internetinu
(x) farið á tónleika
(x) tekið verkjalyf
(x) elskar einhvern eða saknar einhvers akkurat núna
(x) legið á bakinu úti og horft á skýin
(x) búið til snjóengil
(x) haldið kaffiboð
(x) flogið flugdreka
(x) byggt sandkastala
(x) hoppað í pollum
(x) hoppað í laufblaðahrúgu
(x) rennt þér á sleða
(x) svindlað í leik
(x) verið einmana
( ) sofnað í vinnunni/skólanum
( ) notað falsað skilríki
(x) horft á sólarlagið
(x) fundið jarðskjálfta
( ) sofið undir berum himni
(x) verið kitluð/kitlaður
( ) verið rænd/rændur
(x) verið misskilin/n
(x) klappað hreindýri/geit/kengúru
(x) farið yfir á rauðu ljósi
( ) verið rekin/n eða vísað úr skóla
(x) verið með spangir/góm
(x) liðið eins og þú passaðir ekki inn í/þriðja hjól undir vagni
( ) borðað líter af ís á einu kvöldi
(x) fengið deja vu
( ) dansað í tunglskininu
(x) fundist þú líta vel út
( ) verið vitni að glæp
(x) efast um að hjartað segði þér rétt til
( ) verið gagntekin/n af post-it miðum
(x) leikið þér berfætt/ur í drullunni
( ) verið týnd/ur
(x) synt í sjónum
(x) fundist þú vera að deyja - úr ástarsorg
(x) grátið þig í svefn
(x) farið í löggu og bófa leik
( ) litað nýlega með vaxlitum
( ) sungið í karaókí
() borgað fyrir máltíð eingöngu með smápeningum
(x) gert eitthvað sem þú lofaðir sjálfri/sjálfum þér að gera ekki
(x) hringt símahrekk
(x) hlegið þannig að gosið frussaðist út um nefið á þér
(x) stungið út tungunni til að ná snjókorni
(x) "dansað" í rigningunni
(x) skrifað bréf til jólasveinsins
( ) verið kysst/ur undir mistilteini
( ) horft á sólarupprásina með einhverjum sem þér þykir vænt um
(x) blásið sápukúlur
( ) kveikt bál á ströndinni
(x) komið óboðin/n í partý
( ) verið beðin/n um að yfirgefa partýið sem þú komst óboðin/n í
(x) farið á rúlluskauta/línuskauta
(x) hefur einhver óska þinna ræst
( ) farið í fallhlífastökk
(x) hefur einhver haldið óvænt boð fyrir þig

2006-02-18T04:08:00.000Z

Aðeins fjórir tímar eftir af næturvakt þangað til einhverntíman og einhverntíman. Ég finn að ég á sko ekki eftir að sakna þeirra.. þó svo að álagið mætti fylgja með.
Er að reyna að borða alla vega einn banana á dag til að draga úr þessum bölvuðu sinadráttum sem ég fæ í kálfana á nóttunni. Ég er reyndar komin með gott trikk til að losa þá mjög fljótt.
Þoli ekki þetta valentínusardæmi.. gervigervi. Hlakka til að fara í bústaðinn, heitur pottur, gufa og allar græjur. Reyndar mælti ljósan ekkert með því að vera í oof heitu, en það er gerir ekkert hættulegt að vera í mátulega heitu :)

Ég var að horfa á heimildarmynd á discovery um daginn sem hét "The boy whose skin fell off" æi hvað hún var sorgleg. Erfðargalli sem maðurinn fæddist með sem var til þess að engin almennileg húð náði að myndast. Og á endanum myndast krabbamein út frá þessum frumubreytingum öllum. Nema hvað, hann dó 35 ára.. vantaði á hann alla fingur, var allur í sáraumbúðum (reyndar ekki á andliti) því það var allt flakandi sár. Verkir auðvitað eftir þessu öllu, en þvílíkur karakter þessi maður. Ooh jæja, ég grét og hugsaði hversu heppin við værum öll að vera heilbrigð. Gerir maður sér almennilega grein fyrir því hversu heppinn maður sé að vera heilbrigður?? ég held að það hugsi ekkert alltof margir um það svona frá degi til dags.. ég geri það alla vega alltof sjaldan !!

2006-02-14T20:44:00.000Z

Hversu margar útfærslur er hægt að hafa af klukki ?? Tja, ég alla vega svaraði sama dag og ég var klukkuð.
Tölvan er farin að heiman og kemur ekki fyrr en ný verður keypt .. sem er langt í.
Ég er orðin hálfsvöng.. samt ekki. Held þetta sé græðgi í mér, langar í ís og samloku í grilli með ost og tómatsósu. Svo á ég helling að nammi heima, en ég þarf víst að fara rólega í þetta góðgæti en sem komið er.
Tjatja..

4 störf sem ég hef starfað við um ævina:
-Kauptún á Vopnafirði
-Sundabúð á Vopnafirði
-LSH-Fossvogi
-Bónbræður

4 myndir sem ég get horft á aftur og aftur:
-Allar Indiana Jones
-Ronju Ræningjadóttir
-Ace Ventura 1
.. er það ekki bara nóg

4 staðir sem ég hef búið á:
-Vopnafjörður
-Akureyri á tveim stöðum
-Í Reykjavík á tveim stöðum

4 sjónvarpsþættir sem ég fíla:
-ER
-LOST
-Desperate housewifes
-Survivor (það er bara ekki hægt að hætta þessu...)

4 staðir sem ég hef farið í frí:
-Þýskaland
-Danmörk
-Spánn
-London

4 heimasíður sem ég heimsæki daglega:
-vopnafjordur.is
-fotboti.net
-femin.is
-mbl.is

4 uppáhalds matartegundir:
-Rjúpur
-Skata
-Humar
-Saltkjöt & baunir

4 staðir sem ég vildi heldur vera á:
-Heima
-Í útlandinu sem er heitt
-Á Anfield
-Í útileigu í góðru veðri að horfa á sólina setjast

4 hlutir sem ég hlakka til:
-Að eignast krílið mitt
-Fara í bústað í febrúar
-Njóta sumarsins með vagninn á undan mér
-Fá mér að borða núna á eftir

4 aðrir bloggarar sem ég ætla að klukka:
Æi þið ráðið þessu sjálf !

2006-02-11T20:24:00.000Z

Endilega kíkið hingað inn , þið þurfið reyndar að fá lykilorð. En þið sendið bara mail á mig ef ykkur langar að kíkja lengra inn :)

Mig langar í saltkjöt og baunir núna, svo sé ég það að ég er á kvöldvakt á sprengidaginn :( Ég elda það þá bara daginn eftir, ég verð nefnilega að fá saltkjöt og baunir ! .. Svo eru það auðvitað bollurnar. Verð í bústað helgina fyrir bolludag og ætla annað hvort að baka bollur þar eða kaupa mér og fylla þær með rjóma og súkkulaði :þ
Fer í skoðun á þriðjudaginn - hlakka til að fá að heyra hjartsláttinn :)

Væri til í ís, lakkrís og prins polo ...

2006-02-07T15:15:00.000Z

Ooo hver þarf á næturvöktum að halda?? Greinilega ekki ég þar sem ég er að fara að hætta :) næstsíðasta vaktin í nótt svo væntanlega ekki næturvakt í heillt ár !! Og það gáfulega við nóttina í nótt er að við verðum tvær bumbulínur af þrem. Ekki mjög gáfulegt þar sem við eigum ekkert að vera að lyfta og gera mikið erfitt.. vonumst eftir góðri nótt :)
Annars er ég að hakka í mig belgísku konfekti sem Gunni kom með heim frá Brussel.. þvílíkt gott. Nói er ekkert á við þetta góðgæti !!

Snjórinn kominn aftur og mín ekkert sérlega ánægð, finnst nógu erfitt að sneiða framhjá svellunum þó svo þau verði ekki falin undir snjó.
Var að telja í gær og það eru bara rúmlega 14 vikur eftir þangað til að krílið lætur sjá sig. Miða við hversu fljótt þetta hefur liðið ættu þessar 14 að vera ansi fljótar að líða..

2006-02-04T19:20:00.000Z

Hehe, ég eiginlega varð að skella þessarri hérna inn. Tekin fyrir ábyggilega 17 árum hjá Lenu frænku. Mamma og systur hennar með hitting .. ég meira segja man eftir blússunni sem mamma er í. Vonandi er hún ekki á lífi ennþá !! ;)

2006-02-03T12:24:00.000Z

Hvernig er hægt að halda alvöru sveitaball á gauk á stöng ? Höfuðborgarbúum er sem sagt sama þó við köllum reykjavík sveit !! Bullið í útvarpinu er að gera mig bilaða!

Heh ég bjartsýn að ætla að horfa á housewifes í gærkvöldi.. fór í rúmið klukkan 9. Ég er orðin verri en gamla fólkið. Ég sem sagt verð að fá að vita hvenær þeir eru endursýndir, einhver sem getur upplýst mig ?
Reyndar er svoldið gott að sofna svona snemma, þá er ég vel úthvíld og þar sem að ég sef væntanlega ekkert alltof mikið eftir að krílið fæðist ætla ég að njóta þess á með ég get :)

2006-02-02T19:34:00.000Z

Merkilegt að getað ýtt á kúluna og fundið fyrir barninu undir.. ég held stundum að ég sé ekkert vinsæl þegar ég er að pota og reyna að finna fyrir því. Alla vega lætur það mig finna fyrir því með kýlingum og rambótöktum ;) Ég geri mér samt ekki alveg grein fyrir því hvaða líkamshluta ég er að ýta í. Sennilegast bak, maga eða höfuð. Svo sést stundum rák eftir mallanum þegar hönd eða fótum dregst eftir :) yndislegt !
Var á kvöldvakt í gær og fékk skyndilega þá hugdettu að koma með nýbakað brauð úr bakarí og salat á morgunvaktina daginn eftir. Auðvitað dreif ég mig í búð eftir kvöldvaktina keypti ávexti og gerði túnfisksalat, fór seint að sofa eða á milli 01 og 01:30. Reif mig svo á fætur klukkan hálf sjö til að sturta mig og fara í bakarí fyrir vinnu.
Ég er alveg klikkuð, held að það hafi gerst einu sinni áður að ég hafi farið í sturtu fyrir morgunvakt. Mætti svo í vinnuna og kom öllum á óvart með morgunmatnum :) Þær vildu meina að þetta væri óléttan.. Dúndur hress fram eftir degi þangað til ég sofnaði næstum yfir handboltaleiknum. Sem var ekki alveg eins og ég ætlaði. Ætla að reyna að þrauka desperate housewifes, grunar samt að það gerist ekki. Þarf mína 10 tíma eftir svona dag.. en gæti auðveldlega sofið í 14 tíma.
Oj þetta ógeðslega veður úti, rok og rigning ! Og þá meina ég rok og grenjandi rigninu.. en eins og reykvíkingar myndu segja, óveður! Allt svo ýkt hérna í veðurumræðu.
Æi ég veit ekki hvernig ég á að halda mér vakandi.. veit einhver housewifes er endursýnt ?

2006-02-01T13:42:00.000Z

Hugsaði með mér um daginn hversu mikið mig langaði í kjötsúpu.. tengdó hefur fengið hugskeyti og bauð mér í kjötsúpu í gærkvöldi. Ég át náttúrulega yfir mig eins og alltaf, fór svo í bíó með Ingibjörgu og hafði ekki lyst á neinu nema pínu nammi.
Memories of a geisha - verðið að sjá hana. Frábær !

Svo finnst mér að ég eigi alltaf að vera í fríi þegar að landsleikur er í handbolta / fótbolta ! Ég verð hræðilega löt í vinnunni og er eiginlega með bæði augu á sjónvarpinu. Leikurinn í kvöld verður örugglega flottur. Ef þeir ná upp vörn á móti króötunum þá baka þeir þá !
Svo er alveg bókað að ég ætla á Ísland - Spánn þegar hann verður hérna heima í fótboltanum. Annars ætti ég nú ekki að vera að kvarta mikið, við verðum bæði í fæðingarorlofi þegar að HM í þýskalandi verður í júní/júlí :)

Afhverju þarf uppþvottavélin mín að væla svona mikið?? Ég er að bilast.. held ég verði að hringja í Ormsson ef þetta hættir ekki !
Jæja Bónus er það áður en ég fer að vinna, later.

2006-01-30T20:37:00.000Z

Efst til vinstri : 24.vikan efst til hægri : 25 vikan og hinar tvær eru á 26 viku !

Eins og þið sjáið hef ég blásið út á tveim vikum.. Það tekur aðeins í að ganga upp stigann, og stundum er svoldið skrítið að sjá ekki á tærnar á sér :)
Annars er ég bara hress, var í vinnutörn sem innihélt 12 tíma morgunvakt og vaktin í dag vorum við þremur færri en vanalega vegna veikinda. Og allir eru orðnir svo þreyttir að þeir rétt þrauka sínar vaktir. Það settu sem sagt allar sex sem eftir voru í fluggírinn og mössuðum daginn. Reyndar krafðist það þess að ég þurfti að leggja mig eftir vinnu. En frí á morgunn aaah :)

Ætla að drífa mig í sturtu og strauja eins og einar buxur :)
Bumbubúinn biður að heilsa :)

2006-01-21T11:09:00.000Z

Það er merkilega gott að vera í tölvunni í latex hönskum :) Ég er sem sagt í vinnunni og er alveg að mygla, fórum á KingkongþriggjaklukkustundamyndOJ í gær. Hún er aaaalls ekki góð skal ég ykkur segja, alltof löng og voðalega hæg og bara léleg. Mæli samt eindregið með því að þeim sem langar að borga 800kr fyrir svefn í bíósal skelli sér !!

Hinn sokkurinn minn gengur ekkert, hef ekki prjónað neitt síðan við komum að austan. Reyndar hef ég nú alveg tíma fram í maí, en það væri kannski gaman að vera búin að gera fleiri pör í mismundandi litum. Sé til sé til..
Annars finnst mér ég stundum vera að springa - ég er orðin svo ólétt. En það er eiginlega alltaf á kvöldin og sérstaklega þegar ég er að vinna. Verður spennandi að sjá hvernig ég enda eiginlega þar sem að ég er bara komin 24 vikur.
Allir að reka mig að setja inn bumbumyndir - hugsa að ég geri bara sér síðu fyrir krílið okkar. En það er nú bara í vinnslu þar sem letin er að fara með mig. Auk þess að ég kemst aldrei í að setja myndir inní tölvuna.. en það er nóg til af þeim.

Man.Utd - Liverpool á morgunn.. sé okkur alveg vinna hann. Þeir eru eitthvað svo andlausir þessa dagana man.utd menn, reyndar segir það ekkert í þessum leikjum.

2006-01-16T12:44:00.000Z

Jæja, þá er endanlega komið í ljós að Eiríkur Jónsson er hálf**** !
Ef þið farið inná þennan tengilið og farið þar inná "Helgin" og horfið á brot úr þáttum, þá sjáið þið hvað ég er að tala um. Hann er niðurlægjandi og ferlega frekur.

Frábært að fá nýja björgunarskipið austur, það hefði verið gaman að vera á staðnum og getað tekið á móti því. Sá reyndar á nokkrum myndum þarna að hann faðir minn er afskaplega fölur.. minnir eitthvað á mig á fyrstu mánuðum meðgöngunar. Æi, það er ógeðslegt að vera sjóveikur !

Fékk mér ítalskankúluís í gærkvöldi (emmesís) hann var sjúklega góður. Svo skelltum við Hotel Rwunda í spilarann og þvílík mynd. Það verða allir að sjá hana, það er eiginlega algjört must.
Var að klára að háma í mig plokkara og ætla að liggja aðeins á meltunni áður en ég held áfram að vinna.

2006-01-14T18:40:00.000Z

Það er alveg skelfilegt að lesa í gegnum spjallborðið hjá Man.Utd. Hver skítabomban á fætur annarri yfir leikmenn og þjálfara.. reyndar er engin miðja í gangi hjá þeim. Ekki að ég gráti það en hins vegar finnst mér skelfilegt að lesa ummæli stuðningsmanna á spjallinu.

DV málið var líka skelfilegt og ætla ég að láta það vera. Búið að rita nóg um þetta og tala, skráði mig bara á listann og lét þar við sitja.

Erum að elda svínarif - farin að snæða :)

2006-01-04T18:43:00.000Z

Árið 2005 .. mér finnst varla vera komið nýtt ár. En jæja það er víst komið árið 2006.

Árið 2004 endaði mjög skemmtilega, lítill prins kom óvænt fyrir tíman til að raska ró foreldra sinna á jólunum. Mömmu sinni til mikilla mæðu ;) Og þar sem að þau voru 24/7 á vökudeildinni komust þau ekki í bústaðinn yfir áramótin. Sem var ótrúlega nice nema að við þurftum að fara öfug heim vegna óveðurs. Þannig að við ákváðum að fara til vopnafjarðar næstu áramót, þar sem ég sit nú og skrifa.
Byrjuðum á að flytja í nýja íbúð í mars sem er stórt skref hjá öllum. Þ.e. að kaupa sér fyrstu íbúðina. Það eru reyndar engar myndir komnar upp né neitt, en við reynum að gera eitthvað í því þegar við komum aftur heim.

Það má alls ekki gleyma óvæntu ferðinni til London og Liverpool í maí. Sú ferð á eftir að standa uppúr hjá mér lengi lengi lengi lengi. Þar kom Gunni mér rækilega á óvart og náði miðum í KOP á Anfield, eyddum dögum í Liverpool og London. Versluðum svoldið og fórum meira segja í tveggja hæða bus í London sem er víst hættur að ganga.
Viku seinna fórum ég, Svanbjört og Begga svo til Köben og hittum þar Herdísi. Það vorum við í 4 daga að mig minnir og skemmtum okkur konunglega. Hlógum og versluðum, fórum á bakken og ströndina. Fengum okkur öllara á nyhavn og sóluðum okkur ! Ahh maí var svo sannalega góður mánuður árið 2005 !

Ótrúlega spiluðum við mikið golf í sumar, mér fannst ég spila mikið en Gunni nánast flutti ofaní golfsettið sitt. Gunni búinn að gefa það út að hann reyni við Toyota mótaröðina á næstunni. Kannski ekki í sumar, en fer að styttast í það. Ég reyndi við nokkur golfmót sem var ótrúlega skemmtilegt - makkerinn minn (María Ögn) brilleraði náttúrulega og vann hér og þar og náði sér í góð verðlaun.

Sumarið var gott með endæmum, deildinni minni var lokað og því gott sumarfrí sem fékkst út úr því. Sést á því þar sem að við komum þrjár til baka bomm :) Kappinn okkar kom sem sagt í sumarfríinu. Svo eyddum við tíma á Dalvík, Vopnafirði, Akureyri og Egilsstöðum.

Haustið hefur reyndar ekkert verið svo spennandi, rigning og fleira í þeim dúr. Golfvertíðin búin og eitthvað verðum við þá eirðarlaus. En jújú þetta er fínt.
Þeir voru erfiðir mánuðurnir sem ég eyddi með andlitið ofaní klósettinu. En það er nánast gleymt og grafið í dag !
Núna stækkar kúlan frá degi til dags og mér líður vel.

Tveir dagar eftir af jólunum, ég er búin að afreka það að prjóna barnasokk sem er ekki alveg eins og hann átti að vera. En tja þetta gat ég, meira segja munstur og allt.
Nú þegar ég er búin að æfa mig þá er ég byrjuð á nýjum, ætla að ná að gera tvo svoleiðis. Enga tröllasokka, vonandi ungbarnasokka :)

2005-12-26T00:39:00.000Z

Ég vil óska öllum ættingjum og vinum gleðilegra jóla og farsælt komandi ár.
Vona að jólin verði ykkur góð og sama má segja um nýja árið :)
Ég er alla vega búin að hafa það rosalega gott, borða mikið og vinna svoldið líka. Er meira segja svo mikil prinsessa að ég fékk kalkúninn sendan í vinnuna í kvöld ;) Ég bara varð að fá hann !

Ég var að lesa á blogginu hennar Kötu frænku um jólaþrif. Ég hef aldrei verið mikið fyrir að taka allt í gegn fyrir jólin. Nóg að skúra yfir og þrífa baðherbergið vel ásamt því að setja hreint á rúmið á aðfangadag.
Ég skil ekki skápaþrif .. Las einhversstaðar að á seinni hluta meðgöngu fengju konur þrifæði. Er ekki bara að sjá til hvort að það verði ofsaþrif í vor eða alls ekki neitt.

Hangikjet á morgun og reyndar líka afmælisveisla. Veit hins vegar ekki hvort við komumst í veisluna því miður. Það er svo mikið að gera... kemur allt í ljós.

Tveir dagar í sónar :) Var að lesa á mbl.is að það eru komin ný ómunartæki. Mjög fullkomin og eru víst bylting fyrir þau. Það verður svakalega spennandi að sjá krílið okkar loksins, nóg erum við búin að finna fyrir því. Vill fá að sjá hvernig það lítur út.

Ohh sorglegt ég er að horfa á discovery þar sem verið er að rifja upp þrefalt morðmál og nauðgunarmál. Sem betur fer var maðurinn dæmdur til dauða, en fólk er víst misjafnlega hlynt því. Fyrir mér má fólk sko deyja fyrir það að taka önnur líf. Hvað varðar nauðgun má fólk líka steikjast í stólnum eða sofna á bekknum. Mér finnst þetta allt svo ógeðslegt að ég hugsa að ég skrifi ekkert meira um það. En það væri gaman að fá álit fólks á dauðadóm !

Ég get nú varla endað jólaskrifin á svona leiðinlegum og sorglegum nótum.. Það snjóaði fallegum jólasnjó áðan þegar ég kom heim úr vinnunni. Það var svo fallegt úti og jólalegt.
Hafið það gott það sem eftir er að hátíðinni ég ætla alla vega að gera það :)

2005-12-20T01:48:00.000Z

Frænkur mínar orðnar heldur betur öflugar í bloggheiminum :) Nú hvet ég þig til að koma með eitt líka mamma ! Fyndnar þessar hugleiðingar hjá Björgu um kapellu og nunnurnar í kringlunni. Ég held svei mér þá að ég myndi kíkja við í kapellu á kringlunni. Ná mér aftur í orkuna sem tekin var frá mér á með ég dvaldi þar, ég þoli ekki þessa orkusugu !
Ég held reyndar að ég sé ekki eins þreytt eftir smáralind og kringluna.. hvort það sé út af því að það er auðveldara að athafna sig í smáralind. Allt á einum gangi og ekkert vesen, endalausar krókaleiðir i kringlunni.

Ég hef aldrei lagt það í vana minn að opna jólakort fyrr en eftir matinn á aðfangadagskvöld. Það eru næstum helgispjöll hjá mér, en ég braut þau í kvöld ! Við fengum eitt héðan úr reykjavík og ég þekkti ekki skriftina. Sem betur fer opnaði ég það því ég hafði ekki sent þeim. Hjúkket slapp fyrir horn :)

Langar óstjórnlega í nóa konfekt ! á næturvöktum er hægt að borða endalaust, en það er bara aldrei neitt til :(
Litli kappinn minn hefur ekkert slakað á spörkunum, þau sjást núna utanfrá :) Algjör kappi !!
Styttist óðum í að við fáum mynd. Eina myndin sem við eigum er af lítilli baun sem er 6,5mm.

Nú eru bara 9 dagar í að við förum heim, hlakka svo til að fá frí. Gunni auðvitað búinn að vinna yfir sig síðustu vikur og ég er bara þreytt. Fæturnir eru oft að stríða mér, og ég þurfti aðeins að hlaupa í dag útí bíl. Og þeir mótmæltu heldur betur og fóru í verkfall. Ekkert hægt að gera í því nema hugsa vel um þá og hætta að hlaupa.

2005-12-18T11:28:00.000Z

Aahh jólin eru alveg að koma :) Skötulyktin og rjúpulyktin, namminamm!
Svo skemmdi það ekki fyrir að það kom svoldill snjór áðan :) Kannski við fáum smá föl yfir jólin..
Annars er ég búin að kaupa allar gjafirnar nema eina, Gunni verður að koma með mér í hana.
Jólakortin fara í póst á morgunn og svo ætla ég að baka aftur engiferkökur. Þær eru bara búnar..

Jólatónleikarnir í Hallgrímskirkju voru frábærir. Vox Feminea , junior vox , gospelsysturnar og svo litlar skottur með. Allt frá 5 ára, þær voru bara æðislegar. Sungu svo hátt og snjallt og geyspuðu inn á milli, enda klukkan orðin 21.
Hún var alveg sneisafull kirkjan og þar af leiðandi svoldið heitt. Ég var örugglega mjög pirrandi fyrir fólkið á bekknum fyrir aftan. Alltaf að breyta um stellingar, halla mér fram og eitthvað vesen. Langaði í mandarínu á miðjun tónleikunum.. kunni ekki alveg við það.

Brjálað að gera í vinnunni, Henry og Lampart mega báðir skora á eftir en Arsenal á samt að vinna svo það verði hagstætt fyrir mig í fantasypremierleague.com leiknum.
Þá er bara að tjúnna upp í græjunum og hlusta á jólalögin. Fara svo kannski að gera eitthvað af viti hérna í vinnunni :)

2005-12-10T21:39:00.000Z

Liverpool 2 - Middlesbrough 0 :D
Hva, tíundi leikurinn í röð sem þeir halda hreinu ?? Þett´er stuð !

Jólaföndrið búið .. endaði kannski ekki alveg eins og ég hefði viljað. En svona er lífið. En hins vegar byrjaði ég að skrifa jólakortin er og það bara gaman.
Búið að ákveða hangikjetsveisluna 26.des - haldið verður í Garðinn og vonandi í bíó um kvöldið. Sumir kjósa að fara á fyllerí, ég fer í bíó :)

Ég er alveg að springa eftir hammara, en gæti vel hugsað mér engiferkökur og kalda mjólk. Henda mér uppí rúm og lesa Potter.
Komin með sjöttu bókina í hendurnar og get því hert lesturinn enn meira.

Litla krílið mitt lætur reglulega vita af sér, sparkar og sparkar. Sumir segja að þetta sé snemmt að finna fyrir hreyfingum. Veit svo sem ekkert um það.. bara 17 dagar í sónar :) :)
Takk fyrir kveðjurnar allir saman, ég er búin að þurfa að halda í mér í 14 vikur ! Ekki var það auðvelt og auk þess var tíminn svoo lengi að líða. Þessi ógleði ætlaði aldrei neinn enda að taka. Gerði það á endanum og nú get ég borðað með bestu lyst :)

Unnur Birna ungfrú heimur, er það ekki bara alveg frábært. Gaman af því.. reyndar fannst mér sumar mun fegurri. En frábært engu að síður.. reyndar held ég að þetta sé alveg hörku vinna þessi titill. Hellingur af mannúðarmálum sem þær standa að og fleira í þeim dúr.

Jólakveðja :)

2005-12-07T20:14:00.000Z

Fréttir !!

Þar sem að allur Vopnafjörður veit þetta sjálfsagt núna.. er óhætt að setja það hingað inn. Það er sem sagt von á erfingja í maí !! :D Sem þýðir það að ég er komin rúmar 18 vikur, fáum að vita nákvæma dagsettningu 27.des þegar ég fer í sónar.
Lífið er allt að komast í samt horf, ældi úr mér garnirnar fyrstu 13 vikurnar og misstir þar af leiðandi heil 4 kg. Og þau eru nú ansi treg við að sýna sig aftur. Var eins og afturganga í nokkrar vikur, vona að það sé að batna ! En þar sem að matarlystin er komin þá hef ég ekki miklar áhyggjur. Gæti borðar bæjarins bestu í hvers mál og er búin að fá nóg af hrísgrjónagraut og slátri sem ég borðaði fyrstu vikurnar :þ
Litla krílið er líka byrjað að láta finna fyrir sér. Var að æfa spörkin í dag, sem er sem sagt fyrsti dagurinn sem ég finn fyrir því :) Æði ! Og maginn stækkar bara og stækkar, löngu hætt að geta verið í gallabuxum.

Veisla 20.des
jólaföndur á laugardaginn
var á jólahlaðborði í Viðey síðustu helgi sem er frábært
á bara eftir að kaupa 5 jólagjafir og reyndar að skrifa öll jólakortin
mamma að koma á föstudaginn - jibbí !
Er að lesa Harry Potter eins og mér sé borgað fyrir það
ætla á myndina fljótlega
hlakka svo til jólanna
rjúpur , sítrónufrómas
jólatréið við arinneldinn
heim í frí um áramótin..
Man Utd dottið úr meistaradeildinni og fer ekki einusinni í UFEA - wúúppss en leiðinlegt !!

Nóg af fréttum, ER bíður !!

2005-11-29T05:43:00.000Z

Jólaseríurnar að týnast upp ein af annarri :) Svoldið af skrauti líka :) Svo var bakað síðustu helgi, og það stóð frá 17:00 - 00:15 takk fyrir. Gunni sagði að flestar kökurnar væru ekki eitraðar.. hann var sem sagt búinn að liggja í dallinum þegar ég fór á kvöldvakt. Hehe. Þær eru jú til að borða þær.

Ég er svo fegin að vera að taka síðustu næturvaktina mína þangað til 19.des. Óvenju langt hlé, sem er reyndar kærkomið.. búið að vera nóg af þeim síðustu daga.

Svo skrapp ég í húsgögn.is í grafarvoginum og þar myndi nú einhver lítil stelpa missa sig. Prinsessurúm og prinsessu hillur, ljós, skraut á vegg og ég veit ekki hvað og hvað. Ég er nefnilega þessa dagana að leita að jólagjöf handa eldri skottunni minni á akureyri. Óskalistinn er kominn í hendurnar á mér :) Reyndar var neðst á honum GSM sími.. uuuu held ekki Dagbjört mín ! Mátti samt reyna :)

Svo ætla ég að fara í vero moda á fimmtudaginn og athuga hvort ég finni mér ekki eins og eitt pils fyrir jólahlaðborðið sem verður á föstudaginn. Hljómar spennandi að fara á jólahlaðborð í Viðey !! Vonandi næ ég bara ekki að verða sjóveik þessa stuttu leið, ég er mjöög gjörn á það.

Svo erum við að fara að selja Mözduna okkar. Ég á sko eftir að sjá á eftir þessari elsku, þetta er alveg ótrúlega góður og flottur bíll. En hún er víst komin á aldur, ef við ætlum að fá eitthvað fyrir hana verður það að gerast núna.

Ég get víst ekki sagt sjúklingunum að bíða því ég sé í tölvunni.... er þotin útí morguninn :) góðan dag !

2005-11-24T01:26:00.000Z

Hvað var hann Gunnar í krossinum eiginlega að hugsa þegar hann tjáði sig um frumvarpið um réttastöðu samkynhneigðra ?!?!?! Hann er náttúrulega bara bilaður kallinn, hef ekkert álit á honum. Skil ekki afhverju að elskast í blíðu og stríðu og allt sem hjónavígslunni fylgir geti ekki átt við um samkynhneigða. Urr ég verð brjáluð !!

Svo stefni ég á að kaupa mér jólaseríur á morgun :) Ég er svo spennt fyrir jólunum, finnst svoldið gott að það sé komið frost aftur því þá er þetta svo miklu jólalegra. Svo má snjórinn koma 20.des. Ætla líka að kaupa mér jólageilsadisk svo ég fái nú smá jólastuð. Kökubaksturinn á laugardaginn og hlakka svo til :)

Svo er ég víst að fara á jólatónleika með Vox Femine um miðjan desember :)

2005-11-20T20:17:00.000Z

Kalla kaffi í sjónvarpinu, Gunni að elda kjúlla, pabbi að taka til og ég og mamma sitjum á rassinum og gerum ekkert :)

Ég hef verið að hugsa um að rita eitthvað á þessa blessuðu síðu í marga daga. Ekkert gerist þangað til í dag.
Síðustu helgi var ég í kringlunni með mömmu, systrum hennar, dætrum þeirra og ömmu. Sátum á kaffihúsinu við rúllustigann. Við vorum mikið að pæla í honum, börn að skríða upp hann og stóðu ein í honum (sem ég skil bara alls ekki). Svo kom maður með mann í hjólastól á leiðinni upp RÚLLUstigann ! Það var eins og lyfturnar í kringlunni væri out of order. Jæja hann fór upp og það hafðist með miklu basli, nema þegar að hann fór sömu leið niður. Common að fara með mann í hjólastól niður rúllustiga. Auðvitað datt maðurinn úr stólnum og náði að grípa í handriðið og hélt sér þar þangað til niður var komið. Þar kom kona honum til bjargar áður en að fötin festust í rúllustiganum. Hvað er eiginlega að fólki ?
Reyndar hlógum við endalaust af þessu þegar að við sáum að hann slapp ómeiddur.. kannski ljótt ??

Ég byrjaði að taka upp úr jólakassanum í dag. Byrjaði á að henda einni jólaseríu, hengja upp tvo litla jólafugla og tvö jólatré :)
Seríukaup á döfinni og halda áfram að hlakka til jólanna :) Jólabakstur verður næstu helgi og ég hlakka svoo til. Engiferkökur, trompkökur og jafnvel pipakökur.... namminamm :)
Gott að hafa kökurnar fyrri hluta desember þar sem að átið mikla byrjar 23. og endar einhverntíman eftir áramót.

Við erum búin að ákveða að fara austur yfir áramótin.. klára sumarfríið okkar og ætli við stoppum ekki í svona 11 daga :) nice ! Jólin í bænum að borða rjúpur, þarf ekki að vinna á aðfangadagskvöld :)

En jæja, kjúllinn er að klárast og ég er orðin ansi svöng!

2005-11-06T20:40:00.000Z

Lælælæ ...

Í dag var sem sagt hreingerningardagur. Ryksugað allt vel og vandlega, svo var moppunni skellt á gólfið og allt skúrað og skrúbbað. Nennti reyndar ekki að taka sturtuna, kannski á morgunn. Svo ætluðum við að reyna að koma öllu dótinu niður í geymslu áður en mamma og pabbi koma á morgunn. Hmmm veit ekki hvort það nennist.

Elsa og Bragi komu svo í mat og Gunni keyrði um allan bæ til að finna purusteik. Var erfitt, en hún fannst. Góður matur í góðum félagsskap :)

Er að horfa á mesta snilldarþátt sem hefur verið gerður. Mythbusters á discovery, þar eru þeir að reyna að sanna / afsanna ýmsar kenningar og tilgátur. Td þeir sykur í bensíntánk, og nei vélin dó ekki. Reyndar gerðist ekkert.. en nóg um það. Þeir sem geta horft á discovery prufið að horfa.

Jólatrésdúkurinn minn er ekki að ganga. Ég hef bara ekki nennt að sauma hann saman, vona samt að ég fari að nenna því. Svo við höfum dúk um jólin ! Kannski mamma nái að reka mig af stað með hann, hún getur þá líka hjálpað mér :) Því það eru bara 48 dagar til jóla... :) :) :) :) :)

Ég elska cheerios í ískaldri léttmjólk (og engan sykur takk fyrir) !! Og akkúrat núna er fullur dallur af haribo snuddum á stofuborðinu. Hef ekki lyst á þeim.

út !

2005-10-29T11:30:00.000+01:00

Ég bara elska snjóóóó :)

Það byrjaði að snjóa í höfuðborginni í gær og ég brosti hringinn !
Reyndar brosti ég ekki svo mikið þegar við vorum að fara frá Danna og Önnu í gærkvöldi og ætluðum aldrei að komast úr grafarvoginum. Gekk allt að lokum, og Gunni skellti sér á dekkjaverkstæðið í morgunn.
Það verður allt svo miklu bjartara þegar að snjórinn kemur og þá styttist alltaf meira og meira í jólin :)

Fóturinn er misjafn, stundum bólginn og rauður, stundum verkir og stundum stífur. Þetta er ægilega asnalegt eitthvað og ég er ekki alveg að ná þessu.

Var vöknuð fyrir 10 á laugardagsmorgni. Það gerist sko ekki á hverjum degi sem þýðir að dagurinn verður lengur að líða. Reyndar er fótbolti í dag, en ég þori varla að vona það besta..
Þarf nauðsynlega að fara að fá mér að borða og skella mér svo í sturtu. Og þeim sem finnst skemmtilegt að brjóta saman þvott eru velkomnir heim til mín og gera það.

Kannski ég skelli mér útí garð og geri engla í snjóinn ;)

2005-10-24T18:52:00.000+01:00

Áfram konur, áfram konur !!!

Komin frá köben þar sem við vorum á árshátíð. Flott 5 stjörnu hótel, ekki svo góður matur fyrra kvöldið en frábær seinna kvöldið.
Ég var í engu verslunarstuði í þessari ferð og keypti ég mér því bara eina peysu og einn bol. Sem er reyndar alveg nóg.
Farið var á sams bar og tekin nokkur lög í karókí.. en á milli þurftum við að hlusta á danskar ballöður. Ekki spennandi.. McDonalds var svo kippt með á leiðinni uppá hótel í næturmat og morgunmat. Mjög heilsusamlegt :) Svo kíktum við í fiskitorfuna daginn eftir og væpluðumst þar í nokkra tíma.
Alltaf jafn gaman að koma til köben, fór samt ekki í HogM vegna leti í morgunn. En við áttum flug á hádegi. Sé reyndar ekkert eftir því.

Ég verð að hanga heima næstu vikuna alla vega, kannski næsta hálfamánuðinn. Samkvæmt læknisráði þar sem hann er alveg viss um að ég sé með gigt. Psoriasis gigt.. bólgin ökkli , aumar tær og göngulag eins og níræð kjélling. Ekki er það spennandi uppskrift að næstu dögum.
Reyndar næ ég þá kannski að gera eitthvað í jólatrésdúkknum.. reyndar voru mamma og Svanbjört að hvetja mig til að fara austur/norður á meðan. Æi, ég sé til..

Sendi alla mína extra orku til mömmu sem er að hamast við lærdóm.. Farin í mat :)

2005-10-17T00:33:00.000+01:00

Nýtt klukk !!

1. Hvað er klukkan ? 23:34
2. Hvaða nafn er á fæðingarvottorðinu þínu ? Lena Ýr Sveinbjörnsdóttir
3. Hvað ertu kölluð ? Lena
4. Hvað voru mörg kerti á síðustu afmæliskökunni þinni ? Engin
5. Gæludýr ? neibb
6. Hár ? ljóst
7. Göt ? Fékk mér göt í eyrun um 10 ára aldurinn, nota þau stundum.
8. Fæðingarstaður ? Fæðingardeildin á LSH
9. Hvar býrðu ? Grafarholti
10. Uppáhaldsmatur ? Rjúpur, hreindýr, skata, kalkúnn.. JÓLAmatur :)
11. Einhvern tíma elskað einhvern svo mikið að það fékk þig til að gráta? Já
12. Gulrót eða beikonbitar ? Gulrót
13. Uppáhalds vikudagur ? það skiptir engu í vaktavinnu
14. Uppáhalds veitingastaður ? uuu..
15. Uppáhalds blóm ? túnfífill og rósir
16. Hvaða íþrótt finnst þér skemmtilegast að horfa á? Fótbolta
17. Uppáhalds drykkur? ísköld mjólk
18. Disney eða Warner brothers? Disney
19. Ford eða Chevy? ekki spurja mig um bíla
20. Uppáhalds skyndibitastaðurinn ? KFC og Nonnabiti
21. Hvernig er teppið í svefnherberginu á litinn? hvítt
22. Hver var síðastur til að senda þér tölvupóst? mamma
23. Í hvaða búð mundir þú vilja botna heimildina á kreditkortinu? í einhverri flott íþróttabúð
24. Hvað gerir þú oftast þegar þér leiðist? finn mér eitthvað að gera
25. Hvaða spurning sem þú færð fer mest í taugarnar á þér? ert þú að horast
26. Hvenær ferðu að sofa? oft fer ég mjög snemma að sofa, jafnvel fyrir hálf 10
27. Hver verður fyrstur til að svara þér þessu? ætli einhver nenni því..
28. Hver af þeim sem þú biður um að svara þessu er líklegastur til að svara ekki? enginn, allir svo öflugir bloggarar
29. Uppáhalds sjónvarpsþáttur? ER, Survivor, ANTM.. flest á skjá 1
30. Með hverjum fórstu síðast út að borða? Danna, Önnu og Gunna á hornið
31. Hvað varstu lengi að klára að svara þessu? 15 mín

... Ingibjörg og María skúbb skúbb ;)

Og ég verð að koma því á framfæri hvað ég hata 12 tíma næturvaktir !!!! urrr

2005-10-09T03:56:00.000+01:00

Engin bólgin tá lengur ! Ekkert kom út úr þessu sem betur fer, ekkert ræktaðist úr vökvanum né neitt. Læknarnir áttu enga skýringu.. bara eitthvað tilfallandi. Ég lét það sko duga og skoppaði sæl heim. Ég var búin að fá nóg af því að hanga heima og horfa út í loftið.
Reyndar er ekkert sælt við það að vera á 12 tíma næturvakt. En jæja, ætli ég komist ekki í gegnum hana ?!?!?!

Annars er allt voðalega rólegt, 76 dagar til jóla. Ég er ekki byrjuð að telja, en þetta skaut allt í einu upp í höfðinu á mér. Ég er búin að ákveða það að vera í fríi á aðgangadag og jóladag og ætli ég taki þá ekki líka frí á annan í jólum. Vinn áramótin og já.. Borða rjúpu !

2005-10-04T20:19:00.000+01:00

bólgin litla tá !!!

Ó já, ég er með bólgna tá. Ekkert gerðist, hún bara bólgnaði upp einn daginn. Var að drepast úr verk í nótt. Sláttur, hiti og verkuuur. Ég svaf ekkert og druslaði mér í vinnuna klukkan 8 og þar nýtti ég mér það að vinna á LSH. Talaði við lækni sem setti svaka prógramm af stað.
Skoðaði tánna og fann það út að það var vökvi inná liðnum, ákvað því að stinga inná liðinn. JÁ STINGA INNÁ LIÐINN !!! Tók blóðprufur og þvagprufur .
Ég var reyndar mjög sátt, því ég hefði ekki getað fengið betri lækni til þess að stinga inná lið en gigtarlækni.
Já.. það kom sem sagt einhver ógeðisvökvi þarna út sem var sendur í ræktun og rannsókn og allskonar. Það er annað hvort um að ræða cellulit (sem er sýking í húð) sem hefur komist inn vegna oggulítils sárs á tánni. Eða eins og hann heldur - GIGT ! Já góðir hálsar, hann heldur að ég sé með psoriasisgigt í litlutánni (og þá alls staðar). Reyndar eru bæði móðursystur mín með psoriasisgigt og líka systurdóttir hennar mömmu. Svo þetta er allt saman í fjölskyldunni og eru því einhverjar líkur á að um gigt sé að ræða!
Ég var sem sagt send heim í hvíld. Á að hvíla mig þangað til á föstudaginn og koma svo og tala við docsa og sjá hvað hefur komið út.
Ég vill reyndar ekki hugsa til þess að ég sé með gigt. Það er alls ekki góður sjúkdómur þó svo að margir sjá fyrir sér gamlar konur með kryppu. En þetta eru mjög slæmir sjúkdómar. Ég get svo sem talað endalaust um það því gigtarsjúkdómar eru ótrúlega margir. Og má þar nefna, lupus, reynolds, sjögrens, psoriasisgigt, hrygggigt, liðagigt, slitgigt, vefjagigt og margir sjúkdómar sem leggjast á líffæri. Eins og öndunarfæri og heila.. jebb það eru til maargir gigtsjúkdómar.

Ég ætla að halda áfram að hvíla mig og hafa litlu tánna uppí loft.. krossið fingurnar fyrir mig á að þetta sé bara sýking !!!

2005-10-01T22:21:00.000+01:00

Þvílík leti. Hef hvorki nennt að skrifa neitt hér né commenta hjá öðrum. Þið verðið bara að afsaka mig.
Var í sláturgerð í dag í Ljósheimum, reyndar gerði ég mjöög lítið. Skúbbaði mör í balann og sá um að hrærararnir fengju nóg af lakkrís ;) Svo voru fitukeppirnir soðnir og bornir fram með dýrindis rófustöppu og kaldri mjólk. Ahhh alltaf er slátur jafn gott. Svo fékk ég meira segja nesti heim sem fór beint í ísskápinn og bíður þangað til á morgunn með heitum hrísgrjónagrauti :)

Mamma og pabbi skelltu sér til Köben í viku. Vona að þau haldi áfram að hafa það meiriháttar gaman og borða mikið af góðum mat og fara í H&M.
Það er það eina sem ég er búin að plana þegar að ég fer út (sem er eftir 3 vikur) að fara í H&M og auðvitað fara á árshátíðina!

LeikurINN á morgunn, við vinnum, Chelsea geta hoppað til Kína og ég verð ánægð :)

Ætla að skvera einum dvd disk í spilarann og athuga hvort það sé eitthvað vit í honum.

Oout ..

ps. Svanbjört, ég held að þetta sé alveg að virka :) Skilaðu þökkum til móður þinnar !!!

2005-09-22T23:26:00.000+01:00

Kominn tími til að skrifa nokkur orð.. Það var víst verið að klukka mig svo ég verð víst að gera eitthvað í því.

1. Ég þoli ekki ruslpóst því ég les aldrei neitt. Hvorki fréttablaðið, blaðið eða Byko.
2. Ég er byrjuð að föndra jólatrésdúk og er í þvílíku jólastuði.
3. Ég horfi á allt á skjá einum, en elska þó ER :)
4. Ég er með fuuullan bala af þvotti sem þarf að ganga frá. En þetta er eitt það leiðinlegasta sem ég geri, svo það bíður eitthvað áfram.
5. Ég átti einu sinni páfagauk sem hét Pási, en svo byrjaði hann einn daginn á að verpa ! Pása ??

Ég klukka hér með : Maríu, Ingibjörgu, Elsu, Svandísi og Svanfríði :)

2005-09-08T17:24:00.000+01:00

Spiluðum 9 holur í gærkvöldi og haldiði að ég hafi ekki náði tveimur birde púttum !! Á annari (sem sagt 3 högg) og sjöundu pútt fyrir utan greenið (einnig 3 högg).
Ég er sem sagt búin að fara í golf tvisvar í röð og ná birde á bæði skiptin !!
Það er ótrúlega skemmtilegt að fá birde. Vona bara að þeir detti á mótinu á sunnudaginn.

Svo fór Gunni til London í morgunn og því er kéllan ein í kotinu. Er reyndar að vinna 3 daga af 4. Svo það verður gert lítið.. ætla að skella mér í bíó á laugardaginn með Ingibjörgu, golfmót á sunnudaginn og já. Reyna að hitta meira á pabba þar sem hann er á sjávarútvegssýningunni.

Frábært framtak hjá minjavernd og fleiri góðum mönnum (pabba og föðurbróður mínum ;) ) að setja upp símahúsin á vopnafirði. Það er einmitt svona sem þarf að gera fyrir staði á landsbyggðini ! Ég þarf að fá pabba til að fara með mig upp á fjöll þegar ég fer næst austur. Enda er náttúrufegurðin í algleymingi á fjöllunum :)

Læt þetta duga í bili og fer að vinna...

2005-09-02T21:54:00.000+01:00

Sit heima og er að horfa á þætti með Tom & Jerry :) Var að enda við að horfa á Lazy town. Skemmtilegt sjónvarpsefni , hehemm !

Fór í Bónus í dag og keypti mér drykkjarjógúrt frá ms. Ég ætlaði að kaupa mér tvö en hélt að eitt myndi duga í bili. En auðvita var það fyrsta sem ég gerði þegar ég kom heim var að missa dolluna í ísskápnum. Jógúrt út um allt, á sófann, inní allan ísskápinn, undir hann og á mig ! Ohh, ég hefði átt að kaupa tvö jógúrt.

Skrítin vinnuhelgi framundan, kvöldvakt á lau og næturvakt á sun.

Akkúrat núna langar mig í súkkulaðisnúð og kókómjólk ! Það eina sem ég get gert í því er að fá mér brauðsneið með osti / rúllupylsu. Og glas af fjörmjólk.

Ég vil óska Gísla til hamingju með að fá M.Owen til Newcastle ásamt Solano. Ég held að þetta hafi verið kjara kaup og eigi eftir að nýtast þeim vel. Þeir fara þá kannski að skora ! ;)

Óóóó súkkulaðisnúður , ó súkkulaðisnúður !!

2005-08-30T02:26:00.000+01:00

Ég er á lífi !

2005-08-24T00:17:00.000+01:00

Ég veit ekki alveg hvar ég á að byrja. Það er ótrúlega langt síðan að ég skriaði hérna inni og ég man varla hvað ég hef verið að bralla..
-Byrjuð og hætt á hjarta-og nýrnadeildinni
-Liverpool komnir í riðlana í CL
-Það er komið haust
-Golfvöllurinn er byrjaður að gulna :(
-Ég fer á síðasta golfmótið þetta sumarið 11.september
-Þá verð ég búin að spila á 7 mótum
-Ekkert að gerast í tölvumálum
-Ég er loksins að fara á deildina mína á morgunn
-Ég og Sóllilja réðum okkur í vinnu hjá Bónbræðrum
Við förum til Köben í október í árshátíðarferð. Svaka stuð og önnur ferðin mín til Köben á árinu.. reyndar verður þetta ekki verslunarferð. Lofa nú samt engu og kem með skýrslu eftir ferðina...

Búin að fara í sumarbústað og Gunni gerði heiðarlegar tilraunir við að vinna golfferð til Orlando. Sem tókst því miður ekki.. en við erum mikið að velta því fyrir okkur að fara í golfferð eftir jól. Thailand er ótrúlega freistandi, en því miður er það 190000 kr ferð og því ekki í boði. Reyndar í 19 nætur...

Til hamingju með íslandsmeistaratitlinn Eva Jenný :) Ekki á hverjum degi sem að frænka verður meistari ;)
Ingibjörg svaka dugleg að skella sér aftur í skóla - go girl :) :) :) :) :)

Svo veit ég ekki alveg hvaða hópi strætó eru að reyna að þjóna !! Það er sko enginn andsk... tímasparnaður í þessu nýja kerfi þeirra !! Ég sem tók einn strætó í vinnuna fyrir þarf að taka heila ÞRJÁ núna. Ferðin tók 15 mín sem tekur núna 25 mín, og enda meira segja í mjóddini. Segiði mér núna afhverju ég þarf að millilenda bæði á ártúninu og mjóddini til að komast á borgó. Svo tókst þeim að fækka stöðunum þannig að langt er á milli og í vondu veðri td á haustin (og ég tek það fram að það rignir í reykjavík allt haustið) og í frosti og snjó. Þeir ættu að taka þetta kerfi og senda það til Bakkafjarðar og ath hvort að það virki ekki þar ! :þ
Í þokkabót þarf ég núna að vakna kl 6:30 í staðin fyrir 7:10 .

leiðindi og aftur leiðindi "#$%%$$#$%&/()=(/&%$#

2005-08-12T20:21:00.000+01:00

Hmmm..

-móðurborðið í tölvunni hrundi :(
-þurfum því að fjárfesta í nýrri
-sem ég er varla að týma..
-en jæja það verður að hafa það !
-enska byrjar á morgunn
-og við erum búin að fá okkur lykil
-erum svo heppin að breiðbandið er hjá okkur :)
-Cissé skorar !!
-núna er ég að vinna á hjarta-og nýrnadeild
-og líkar vel
-fór í tíma til Röggu í vikunni
-90 kúlur bara með 9-unni
-enda kom sveiflan loksins rétt inn
-ef að einhver getur lagað sveifluna
-er það þá ekki sjálfur íslandsmeistarinn ??
-akkúrat núna er dúndur veður úti
-og ég að vinna
-Gunni í golfi
-ég fór í golf í morgun
-þreyf svo bílinn
-eftir laaaaangan tíma
-það á að fara að laga svalirnar í vikunni
-ætli það séu ekki tvö golfmót eftir í sumar
-það verður æft mikið í vetur
-básar og völlurinn

bjallan hringir..

2005-08-03T14:21:00.000+01:00

Mæli með því að allir sem fylgjast með enska boltanum fari inná http://fantasy.premierleague.com .

Svo verð ég að setja inn þessa mynd og sýna ykkur flottastas sumarbústað landsins !!

Óvenjulegur en flottur !!

2005-07-31T14:22:00.000+01:00

Nú er sumarfríið að taka enda. Fer að vinna á þriðjudaginn, sem verður ábyggilega dálítið skrítið þar sem að ég er að fara á aðra deild en mína. Við opnum ekki fyrr en 22.ágúst og það þýðir að ég þarf að vinna annars staðar í tvær vikur.
En það verður gaman að sjá eitthvað nýtt !

Erum búin að hafa það ótrúlega gott í fríinu. Vorum í sumarbústaðnum í 5 daga, fórum svo til mömmu og pabba og reyndum að hjálpa þeim eins mikið og við gátum. Keyrðum yfir á Dalvík í gær og tókuð þátt í skemmtilegu golfmóti. Ég gerði nú engar rósir.. en ætli ég verði ekki orðin góð næsta sumar $%##"
Gunni var nú samt svo góður að vinna tvo kjúlla og 5000 kr. Sem að þýðir að ég fæ að kaupa mér eitthvað flott :)
Ég var að enda við að skutla honum upp á jaðarsvöll þar sem að hann tekur þátt í texas scrambel. Hann ætlar sér að vinna nýja ecco skó :)
Svo er einhver dagskrá að byrja hér á ráðhústorginu á akureyri eftir klukkutíma. Spurning hvort að ég kíki þangað.. ég þarf einhvern vegin að eyða 5 klukkutímum.

Eins og það er gott að koma til vopnafjarðar og vera í sumarfríi þá hlakka ég ofsalega mikið til að komast heim til mín. Það verður greinilega þannig þegar að maður eignast sína eigin íbúð :)
Ég verð að furða mig á vinnubrögðum á golfvellinum á vopnafirði. Þar er verið að búa til nýja braut sem er mjög gott mál. En hins vegar er frágangurinn hræðilegur. Það var farið með gröfu á tilvonandi brautina og svo var sáð í það. Sem þýðir að þessi braut á eftir að verða hræðileg. Öll í holum og ekkert rennsli verður á henni.
Ég legg til að sveitastjórinn fái golfvallararkitekt og láti hann líta yfir þessi plön sem eru í gangi. Svo er Indriði meira segja búinn að teikna upp völlinn sem lítur svo vel út.
Svo er nýbúið að gera nýtt green sem var þökulagt. Það er mjöög illa gert og engu lagi líkt. Þökurnar voru ekki lagðar jafnt og svo voru þær slegnar niður niður í rót Það þarf að fá áhugasamt fólk í golfvöllinn ef hann ekki að enda eins og níu tún með flöggum á !!!! Það þarf líka að leita sér upplýsinga hvernig á að umgangast greenin. Td að vökva þau, gata þau og setja sand til að eyða mosa og þétta þau.
En ég segi samt áfram með golfvöllinn á vopafirði !!!!

Ég er búin að keppa á 5 mótum í sumar og það verður alltaf betra og betra :) Er líka búin að prufa ýmsa velli.. s.s. jaðarsvöll á akureyri sem er einn flottasti völlur sem ég hef spilað á. Arnarholtsvöll á Dalvík, Selsvöll á Flúðum, Setbergið í Hafnafirði og auðvitað Vopnafjarðarvöll !

Læt þetta gott heita og ætla að klára appelsínið mitt !

2005-07-24T02:49:00.000+01:00

Er í sumarfríi og hef engan tíma í tjáningar nema inní höfðinu á mér.
Var að spila golf.. nennti ekki á ball .. ætla að sofa .

2005-07-15T11:57:00.000+01:00

Búnar að þræða sundlaugarnar og fjölskylduoghúsdýragarðinn. Ásamt því að fara í nautólsvíkina og í Kringluna. Ætlum aftur í bæinn í dag..
Þetta er semsagt það sem ég og Dagbjört Ýr erum búnar að vera að gera síðustu daga...
Og ætlum aftur í sund í dag... no surprise ;)
Dagbjört náði þeim árangri að hlaupa átta sinnum í röð í rennibrautina í laugardalnum. Svo ætlum við í breiðholtslaugina og þar verða ferðirnar sjálfsagt fleiri !
Búnar að horfa á Harry Potter nokkuð oft (þú færð þær til baka á um helgina Anna).
Dagbók Dagbjartar og Lenu lokið ....

Gardínurnar komu loksins í gærkvöldi :) Ég og Gunni erum að spá í að hafa dregið fyrir næstu tvo mánuðina. Þar sem að við erum búin að fá nóg af því að nágrannarnir okkar séu að glápa á okkur !!!
Reyndar eru kallarnir í blokkinni við hliðiná akkúrat hættir að vinna í henni. AKKÚRAT þegar að við erum búin að fá gardínur. Ohh jæja, við fengum þó gardínur ;)
Svo er stefnan sett í eyjafjörðinn eftir helgi, ætlum að njóta bústaðarins í botn. Og fara svo til vopnó og eyða þar nokkrum dögum, ásamt því að fara niður á firði.
Versló verður sjálfsagt einhversstaðar í tjaldi.. hef ekki hugmynd um hvar.
Það verður svaka munur að fara heim og sjá nánast nýtt hús (að innan) :)

Við fórum í nautólsvíkina í gær og það var æðislegt veður. En á 10 mín kom þoka og kalt. Og víkin hreinsaðist upp á no time :(
Jæja, harry potter er að kalla á mig úr sjónvarpinu.. Verð að svara honum :)

2005-07-08T18:09:00.000+01:00

Nokkrar myndir sem segja allt um daginn í dag ! Ætla að horfa á Harry Potter 2 og 3 í kvöld, éta einn sveittan hammara, horfa svo á gullmótið. Og vona að veðrið verði betra á morgunn... Mig langaaarrr í goooolllllffffff

rigning í borginni

það sést ekki einu sinni í esjuna (",)

Ég er í sumarfíling með nýja skyggnið mitt inni

en ég á fallegt sumarblóm :)

fallegt :o)

fæ ég verðlaun fyrir bestustu gardínurnar ?? Alvöru fara alveeeg að koma :o)

nýja galvin green golf skyggnið mitt :o)

þvo þvo þvo ....

Þetta saumaði hún Una amma á mig þegar ég var 8 ára

MONT :o) :o) :o)

2005-07-07T17:04:00.000+01:00

100 kúlum var slegið á 50 mín á básum :) Er svona nokkurn vegin búin að finna sveifluna mína aftur :) Lagaði aftursveifluna , þungaflutninginn og mjaðmahreyfingarnar. Ég var að ná fínum höggum.. drivin voru reyndar stundum út og suður. En í heildina var þetta gott !!
Spurning hvort við spilum á oddfellow á morgun. Hef aldrei spilað þann völl svo það ætti að verða spennandi :) Gunni segir hann þvílíkt flottan og skemmtilegan.
Stefnan er svo sett á nevada bob á eftir og kaupa golfbuxur :) jibbí :)

Úff hvað hryðjuverkin í London eru óhugnaleg :( Ég var í London fyrir 2 mánuðum og vorum við þá á Liverpool stöðinni. Það er varla farandi út í heim án þess að hafa áhyggjur af sprengjum.
En það stoppar mann svo sem ekki.. En svakalega skerí !!

En hvað varð eiginlega um sólina þegar ég er loksins komin í sumarfrí ?
Ég á sem sagt ekki að fá að njóta hennar :(
Búin að koma 2 ágætir dagar síðan ég fór í frí.. langar í fleiri. Þó svo að rigningin sem frábær fyrir golfvellina og gróðurinn. Þá þarf ekki að vökva mig meira....

Ofvökvuð golfplanta out ...

2005-07-06T18:34:00.000+01:00

Gerrard a Melwood i dag... segir allt sem segja tharf :)

2005-07-06T17:53:00.000+01:00

Klukkan var 09:19 þegar að síminn hringdi í morgunn. Ég stökk á fætur og velti því fyrir mér hver væri að hringja svona snemma.. sá símanúmerið hjá Gunna (í vinnuni).
"Hann er hættur við að fara" .. "hann er hættur við að fara" !!
Hver er hættur við að fara sagði ég ?? ... Nú Gerrard er hættur við að fara !!!!
Núna var ég algjörlega komin í heilan hring, vissi ekkert hvað var að gerast og hafði rekið hnéið hrikalega í þegar ég hljóp í símann. Allt í einu fann ég óstjórnlega til í hnéinu. En var Gerrard hættur við að fara ???
Gunni kvaddi og ég beint inn á www.ynwa.tv og sá þá greinina. Hann var virkilega hættur við að hætta :) Ég hafði ekki verið jafn ánægð frá því trúlofaði mig !!!
Kvöldið áður leið mér eins og ég hefði lent í ástarsorg.. ég var með magapínu og ég það munaði litlu að tárin hefðu lekið niður kinnarnar.
Ég var svo ánægð að ég gleymdi verknum í hnéinu og langaði að gráta af gleði !!!!
Elsku Gerrard ætlar ekki að fara frá Liverpool og það er allt sem skiptir !!!!

Svo kom það óvænt uppá í gær að við fengum frítt inná Queen og the stone age og Foo fighters. Þeir voru góðir, en Foo Fighters voru miklu betri í laugardagshöllinni. Egilshöllin er ekki nógu góður staður fyrir tónleika !!

Svo til þess að toppa gærdaginn sem var hreint út sagt HRÆÐILEGUR því ég hélt að Gerrard væri að fara. Þá var ég að spila hræðilegt golf. Sveiflan alveg týnd og Ragga að keppa í svíþjóð!

Jæja, þá er að fara að lesa yfir nýja samninginn hjá sjúkraliðafélaginu. Og fagna Gerrard og LIVERPOOL !!!!!!

The first kiss ........

2005-07-03T19:31:00.000+01:00

Jæja þá eru tvö stykki golfmót um helgina búin ! Fyrst var það opna lottó mótið sem var erfitt svo ekki sé meira sagt. Skiptist á með slagviðri og sól, skiptist á að ganga frá regnhlífini og að taka hana upp.
Gunni gerði sér lítið fyrir og vann mótið.. ekki leiðinlegt að fá smá vöruúttekt í Nevada Bob !
Svo þegar að við vorum við verðlaunaafhendinguna þar kom formaður GOB og spurði hvort að ég væri ekki til í að koma með þeim í klúbbakeppni við GSE. Það vorum við að kljást við ansi góðar konur. Þetta var mjög tvísýnt því að þegar að öll hollin voru komin inn var allt hnífjafnt. Þar skar því höggleikurinn úr og þar fórum við með sigur :)
En þarna voru sjö holl, þrenn spiluðu tvímenning, tvenn holukeppni og hin tvö höggleik.
Hvort að kvennastarfið í GOB muni blómstra eftir þetta er spurning. En það eru alla vega nokkrar efnilegar :)

Svo er ég að leita mér af einhverju kvennamóti í júlí. Ég fann reyndar eitt á Odda sem er þegar orðið þétt setið. Verð að ákveða mig fljótt, svo er eitt texas scramble á Hellu næstu helgi.
Svo er bara að fara út á völl og æfa sig !!

Jæja nóg um golf..
Já það er bara ekkert annað að tala um ;)

2005-07-01T19:14:00.000+01:00

Þvílíkt stuð í gær.. Maturinn var alveg frábær. Grillvagnin á hrós skilið fyrir frábæra þjónusu, nema það að þeir tóku púrtvínsflöskuna okkur. Eða það höldum við.. hún hvarf alla vega á saman tíma og þau pökkuðu saman og fóru :/
Skelltum fólkinu á boðhlaup með fætur bundar saman tveir saman. Ég hélt að ég myndi grénja út hlátri þegar að sumir hlupu. Ég og Íris vorum með svaka prógramm, töldum 1,2,1,2,1,2,1,2 það var mjög fyndið :)
Svo var sungið og trallað, svo kíktu Duran Duran aðdáendurnir á okkur og þar var víst svaka stuð.
Við vorum búin að yfirgefa staðinn um 01 eftir miðnætti, sem er bara fínt þar sem að þetta var á fimmtudegi.
Búið er að óska eftir okkur í að skipurleggja haustferðina. Þar verður sjálfsagt eitthvað skemmtilegt gert :)

Fór í golf áðan, þvílíkt maður.. ég var alein á vellinum þangað til að tveir létu sjá sig þegar að ég átti þrjár holur eftir.
Ég var að spila á mínar bestu níu holur hingað til, fór þær á 50 höggum og 20 punktum. Hefði reyndar getað farið á lægra skori, en það kemur alltaf ein sprengja hjá mér ennþá. Er að reyna að útrýma þeim, en gengur hægt :þ
Ef ég spila á mótinu svona á morgun á ég pott þétt eftir að fá einhver skemmtileg verðlaun og í þokkabót lækka mig helling í forgjöf.
En planið er að fara undir 33 í sumar.. og ég á eftir að fara létt með það.
Gunni og Ragga segja að ég eigi eftir að fara undir 30 ef ég held svona áfram :)
Enda er ég með besta kennara á íslandi !!

Golfer out

2005-06-30T15:56:00.000+01:00

Já.. það er nú ekki oft sem að ég fer á djammerí á fimmtudagskvöldi. Ég bara man ekki eftir neinu.
Við erum sem sagt að fara að fagna sumarfríi í vinnunni og verður súper mæting. Á milli 40 og 50 manns og meira segja flest allir doktorarnir ætla að koma :)
Svo erum við sem erum að sjá um þetta að fara að tjalda á eftir. En það er sko ekkert venjulegt tjald skal ég ykkur segja.. þetta er nefnilega samkomutjald sem eru um 30 fm. Þeir sögðu við okkur að þetta ætti að taka um klukkutíma og þrjátíumínutur. En við stefnum af því að slá það og klára þetta á 45 mín ;)
Hvernig svo sem það á eftir að gera sig..

Svo er það þriðja golfmótið í sumar á laugardaginn. Ég stefni af því að lækka mig undir 35 á mótinu sem þýðir að ég þarf að fá um 40 punkta.
Svo var Gunni í golfmóti í gær og lenti í 4.sæti, einum helv.. punkti frá 3.sætinu. Ef hann hefði orðið í 3.sæti þá hefði hann fengið 25 þús króna inneign í Nevada Bob !
En jæja, við tökum bara mótið á laugardaginn :)

Svo eru víst Figo, Zenden og Stelios að koma til Liverpool.
Og einhverjir tveir aðrir 15-20 millj punda menn, sagt að þeir séu vængmenn frá Spáni ??!!?!?

LIVERPOOL ENGLANDSMEISTARAR 2006 :)

2005-06-26T22:37:00.000+01:00

Úffff ..
þetta getur ekki verið gott fyrir bakið !

2005-06-26T14:09:00.000+01:00

Spiluðum golf til 01:15 á föstudagskvöldið, í rigningu, mistri sem varð svo að þoku og það var á köflum soldill vindur. Þetta voru mjööög erfiðar aðstæður og og átti ég algjör þorskahögg inná milli. Það væri reyndar réttara að segja að ég hefði átt nokkur góð á milli þorskahöggana :þ
Svo fengum við mat eftir og Gunni fékk nándarverðlaun, var minnir mig 1,66 m frá pinna. Ég var heppin að hann fékk golfregnhlíf sem mig vantaði einmitt.
Vorum komin heim um 04 og þá reif ég mig úr öllum fötunum og hoppaði uppí rúm, ég rumskaði ekki fyrr en klukkan 01:30.
Þá var rifið sig á fætur til að taka til. Það er nefnilega eitt af því sem ég ætla ekki að byrja á þegar ég er komin í sumarfrí.
Það er nóg að gera í vikunni.. kvennabrekkufundur, kvennabrekka, golftími, vinna upp heimsóknir vegna vinnu og auðvitað að njóta þess að vera komin í sumarfrí :)

Stefnan er sett á IKEA á eftir, kaupa þarf ruslafötu, fataslá og fleira..
Svo langar mig rosalega að kaupa mér eitthvað sætt blóm og setja fyrir utan útidyrahurðina. Hvort að ég geri það í dag eða í vikunni ??

Svo verður deildinni lokað á morgun, það er planað að við vinnum til 1600 en hvort að það verður ? Ég hef trú á því að við verðum eitthvað frameftir.
Ég þarf að kaupa eitthvað gotterí fyrst við erum að fara að pakka og ganga frá síðustu útskriftunum..
Ég held að það verði svoldið skrítið að hitta ekki stelpurnar í tvo mánuði í sumar. Þar sem að vinnan er mitt annað heimili og ég sé þær næstum daglega...

Neighbours eru ekki ruglaðir svo ég ætla að njóta þess að geta horft á þá :)

Þangað til ég er komin í sumarfrí...
Out !

2005-06-23T00:18:00.000+01:00

ég er svakalega ánægð með nýju klippinguna. hún er sko alveg að virka.
annars var ég í nautólsvíkinni með stelpunum í vinnuni. og ég var alveg að brillera, flækti línuskautana einhvern vegin saman og náði að fljúga ca 2 metra út í grasið.
og það fynda er að ég var byrjuð að hlægja að þessu áður en ég lenti.
ég er alveg heil og ómeidd. fékk reyndar grasgrænu í buxurnar mínar.. en það hlýtur nú að detta úr.

annars er ég alveg að leka niður. var á næturvakt og svaf í 4 tíma, eyddi svo tveimur tímum á hár expó og lá í sólbaði eftir það.
línuskautarnir tóku ótrúlega á.
ég er búin að fara í sturtu, gunni er enn í golfi og ég er farin að lúlla.

flækjufótur out

2005-06-22T19:01:00.000+01:00

Hvort er að virka betur, nýja eða gamla lookið ??

Á hlið :)

Mygluð á leiðinni frá London ....

2005-06-20T00:19:00.000+01:00

Nýjustu golffréttir í dag eru:

Jæja þá lauk ég fyrsta golfmótinu mínu :) Þetta var ótrúlega gaman, þó svo að punktarnir hafi ekki verið eins margir og ég vildi. Þeir voru sem sagt 19 talsins.. sem er ekki svo slæmt, ég var bara í 77 sæti af 94. Hahaha algjör lúði :9
En ég verð víst að byrja einhversstaðar, það ekki ? Júbb !
En já, María gerði sér lítið fyrir og VANN mótið. Fór á 37 punktum og fékk líka þessi svaka flottu verðlaun. Skó og zo on jakka ásamt inneign. Ekki slæmt það..
Stefnan er svo sett á annað mót á föstudaginn. Midnight sun open og verður ræst út eftir klukkan 20. Matur og flottar teiggjafir ásamt flottum vinningum eru í boði. Ég sem sagt stefni á að fara yfir 19 punkta (þó svo ég hafi aldrei spilað á þessum velli :) ).

Golftími á morgunn, ég verð að láta Röggu laga ýmislegt. Alltaf að toppa boltan og mjög óstöðug í járnaspilinu.
En hins vegar eru góðu fréttirnar þær að ég keypti driver og nýjan pútter. Ég tvíputtaði á 17 holum af 18 í dag. Sem er sigur fyrir mig.
Og drivin voru ekki alslæm :)

Nóg um golf.. sumarfrí eftir viku. Svo er ég orðin mjööög þreytt núna, svo ég læt þetta gott heita.

golfer out

2005-06-16T20:14:00.000+01:00

planið fyrir sumarið..

- sennilega niðrí bæ á morgunn
- golf annað kvöld
- golf á laugardaginn
- golfMÓT á sunnudaginn
- golftími á mánudaginn
- síðasta næturvaktin í næstu viku :)
- klipping á miðvikudaginn LOKSINS !
- vinna næstu daga
- golfmót á flúðum
- golfmót hjá GOB
- síðasti dagurinn í vinnunni
- deild lokað
- sumarfrííííí í 34 daga
- golf, golf, golf, línuskautar, línuskautar, línuskautar
- gott veður
- sund
- bláa lónið
- nautólsvíkin
- golf
- Dagbjört kemur í heimsókn
- ferð norður í bústað með golfsettið ;)
- fer í fjörðinn góða og ætla mér að mála svoldið
- jafnvel að spila svoldið golf
- en ekki að fara á línuskauta
- það er ekki hægt á vopnafirði
- útileiga
- heim úr fríi
- vinna á LSH
- aftur á mína góðu deild í ágúst :)

2005-06-14T23:40:00.000+01:00

Jæjajæja komin tími til að skrifa eitthvað á blað.
Búið að vera frekar rólegt, vinna mikið. Mamma og pabbi komu í bæinn og drógu eldri skottuna með. Fór í skírnarveislu hjá litla frænda hans Gunna og fékk að prófa stórt trambolín :) Ég var alveg að fíla það og hefði getað verið á því alla veisluna, verst að það voru litlir krakkar að bíða eftir því !

Svo er víst golfmót á sunnudaginn, fyrsta golfmótið mitt. Og sem betur fer er það punktakeppni ekki höggleikur :þ Fer svo daginn eftir í golftíma... gáfulegt.

Fyrir þá sem eru á vopnafirði og eru að lesa þá voru 19 gráður í borg óttans í dag. Ég og Ingibjörg drifum okkur niður í laugardal í hádeginu og fengum okkur eina með öllu og sóluðum okkur. Það hefði verið hægt að vera á sundfötum, en ég lét mér nægja að vera á hlírabol og gallabuxum. Svona til að hræða ekki túristana í burtu ;)

Ég sem aldrei neitt vinn haldiði að ég hafi ekki bara unnið tvo frímiða á mr. and mrs. Smith með Brad Pitt og Angelinu Jolie :)
Ég bauð Ingibjörgu með, en hvort að við komumst það er annað mál. Þar sem að við getum aldrei verið sammála í þessum blessuðu vöktum okkar :( Ætli við endum ekki á að fara 27.júní þegar við erum báðar komnar í sumarfrí ?

Svo er stefnan sett á nautólsvíkina á morgun ef veður leyfir (þ.e.a.s. ef að sólin sýnir sig). En ég tók auðvitað aukavakt frá 8-12, það sem penginarnir fá mann ekki til að gera #$%&%"#!##%&#$"

2005-06-10T14:24:00.000+01:00

Jæja þá er það komið á hreint að Liverpool tekur þátt í CL næsta vetur !
Það eru tvær hliðar á málinu, önnur er sú að Liverpool mun missa af austurferðinni og væntanlega öllum undirbúningsleikjum. Super Cup mun vera spilaður en allt hitt er nánast úr sögunni.
Hin er sú að þeir myndu vera búnir að spila 5 leiki áður en enska deildin byrjar. Og þetta væri leikir sem skipta máli. Svo aðalliðið ætti að vera búið að stilla sig almennilega saman áður en enska deildin byrjar.
Þannig að ætli maður verði ekki að líta á björtu hliðarnar í þessu öllu saman og gleðjast yfir því að við erum með næsta vetur :)
Ég er samt mjög pirruð yfir leikjafjöldanum sem verður næsta vetur.
FA Cup
League Cup
Premier League(38 leikir)
Champions League(Mest 19 leikir sem er fáranlegt.)
Club World Championship
Super Cup

Nú er eins gott að bjálfarnir í UEFA lagi þessar heimskulegu reglur sínar almennilega. Svo að núverandi meistarar þurfi ekki að byrja í fyrstu umferð !
Mér finnst þetta hneisa og legg frat mitt á UEFA fyrir að gefa ekki núverandi meisturum almennilegan séns.
Þeir hættu síðastir að spila og munu vera þeir fyrstu til að byrja !!!
En við erum með sem er það besta :)

2005-06-09T22:43:00.000+01:00

Hvernig er hægt að hleypa henni í sjónvarpið ?????
Að tala við Darren Hanson og segja að hún sé eitthvað fræg. Jakketí jakk !
Hún er bara að bulla í fólki og talar út um rassgatið á sér. Þetta er óþolandi !
Silvía Nótt er biiiiiiiilllllluuuuuuuuððððððððð

Frí á morgunn ætla að sofa úúúút og kannski í golf bara :)
Mútta og pápi koma á morgunn og verða í nokkra daga.

Annars er ég í hjúkrunarhlutverkinu bæði heima og í vinnunni þessa dagana.
Bara 11 vaktir eftir þangað til ég fer í sumarfrí.. verðum að pakka á fullu síðustu dagana.

2005-06-06T21:46:00.000+01:00

Það er líka hægt að breyta honum í vesti :) Jibbí :)

2005-06-06T21:45:00.000+01:00

Nýji golfjakkinn minn :)

2005-06-05T19:47:00.000+01:00

Þetta er búin að vera svo flott helgi. Reyndar fór föstudagurinn í vinnu og svefn, en ég vaknaði reyndar eftir 4 1/2 tíma svefn á laugardeginum og við drifum okkar í golf. Þar voru 18 holur spilaðar og mér gekk bara alveg ágætlega miða við.
Svo var drifið sig heim og María, Kristinn og Bjarki komu í mat. Þar var náttúrulega mikiiið spjallað og svo héldum við niðrí bæ. Þar var allt troðið eins og vanalega, en mér þykir bara ekkert sérstaklega gaman að fara í bæinn.
Vill frekar fara í partý og bara á ball á vopnó :)
Og þar sem að ég var í golfi fyrr um daginn og svo í támjóuskónna mína um kvöldið þá komu tvær litlar blöðrur á hælana.
En við erum semsagt nýbúin að borða grillaðan silung, grillaðan maís og franskar og erum á leiðinni í golf ! Hvað annað ?!?!
Svo ætla ég að fara á morgun eftir vinnu og kaupa mér þvílíkt flottan golfjakka. Það er hægt að breyta honum í vesti og hann er hálf renndur.. Verð að eignast hann !

Svo ætla ég að vera dugleg að fara á línuskauta og í golf í vikunni.

Var að horfa á Brúðkaupsþáttinn áðan og þar var verið að fjalla um siglingu. Eitthvað sem mig hefur alltaf langað að fara í. Allt innifalið nema áfengi, þetta er eitthvað sem ég verð að fara í.
Við þurfum bara að safna hópi saman (held að það sé meiri stemming), þannig að þið sem viljið koma með okkur til Bahamas og st.Thomas.. Byrjið að safna núna, þar sem að ferðin verður þar næsta vetur !!

2005-06-03T15:51:00.000+01:00

Þá fer enn einn dagurinn í vaskinn ! Ég er sem sagt að fara á næturvakt og þegar ég fer á næturvakt þá þarf ég að sofa. Sem þýðir að ég kom heim klukkan hálf þrjú og fer að sofa eftir 5 mín. Þá sef ég til sex eða sjö og þá er dagurinn búinn. Og þar sem að það er geggjað veður úti, sól og flottheit. Þar sem þetta er þriðja næturvaktin á fjórum dögum þá er ég frekar fúl yfir þessu!
En hins vegar er ég búin að fara til london og köben og frí um helgina. Spilað golf og kannski farið í bláa lónið, þá ætla ég að hætta að kvarta :)

Fór hins vega á línuskauta með Maríu í gær, eða það er réttara að segja að ég hafi verið á eftir henni fyrstu 10 mín. Þar sem að Nótt og Ugla þurftu að fá smá útrás og drógu hana næstum inní vesturbæ :)
Við fórum sem sagt í nautólsvíkina í heilan klukkutíma og ég var búin að sofa í 4 tíma eftir næturvakt, en ég hafði þetta af :)
Anna, Danni og Eldar komu svo í grillað lamb um kvöldið, horfði á the bachelor og fór að sofa.

Jæja rúmið kallar !!

2005-06-01T20:48:00.000+01:00

Ég vil óska Lindu Björk og Elmari til hamingju með litlu prinsessuna !
Hlakka til að sjá hana í sumar :)

-Akkúrat núna er ég að mygla vegna of mikils svefns og næturvaktar
-Sól úti og Gunni í golfi
-Nenni ekki að fá mér að borða
-Er samt sársvöng
-Langar í bláa lónið um helgina og spila golf
-Vonandi verður gott veður !
-Hlakka til þegar að svalirnar verða komnar í lag
-Mamma og pabbi koma eftir nokkra daga
-Ég er víst að fara að fyrirsætast fyrir Herdísi í sumar
-Eins og ég kunni það eitthvað ?
-Þar að þvo þvott
-Það er bara svo leiðinlegt að hengja þvottinn upp
-Jack og Bobby er fínir þættir
-Ég hata Djúpu laugina 2
-Ég er búin að hamstra í mig Haribo hlaupum
-Ég er svakalega ánægð með nýju töskuna mína

2005-06-01T03:18:00.000+01:00

Jæja jæja þá eru einungis 19 vaktir eftir þangað til ég fer í sumarfrí. Öllu verður skellt í lás hérna 27.júní og iðnaðarmönnunum hleypt inn.. nice :)
Mér finnst mjög líklegt að við skellum okkur á vopnafjarðardagana, veit einhver hvað verður um að vera þar ???

Ég get ekki beðið eftir því að fá gardínurnar, þá get ég labbað eins mikið nakin um íbúðina og ég vil. Og grannarnir mínir og iðnaðarkallarnir í hinni blokkinni þurfa ekki lengur að horfa upp á mig stripplast.
Og að geta blokkerað sólin úr stofunni verður svaka munur. Þar er steik á daginn og eiginlega ólíft.
Ljósamálin fara einnig að skýrast og svo förum við að setja myndirnar okkar upp á vegg.. því nóg er af þeim!

Er á næturvakt og klukkan er 02:23 og það er að birta til.. sumarið er tíminn minn :)
Gleðilegan 1.júní allir saman :)

2005-05-30T14:19:00.000+01:00

I flugvelinni :D

2005-05-30T14:17:00.000+01:00

Sidasta hopmyndin fyrir heimferd

2005-05-30T14:16:00.000+01:00

�g a� gera mig tilb�na til a� va�a

2005-05-30T14:14:00.000+01:00

Vi� steiktar � str�ndinni :)

2005-05-30T14:13:00.000+01:00

Haldi�i a� �a� hafi ekki kakkalakki gert sig heimkominn � sk�inn minn